Posted: 03/15/2013 09:47 AM IST

వేసవి వచ్చిందంటే విద్యార్థులకు ముందుగా వచ్చేవి ఒంటిపూట బడులు, ఆ తర్వాత పెద్దపరీక్షలు, ఆ తర్వాత ఆటవిడుపు, వీలైతే పెద్దవాళ్ళతో కలిసి పర్యటనలు.

ఈ రోజు నుంచి విద్యార్థులకు ఒంటిపూట బడులు ప్రారంభమయ్యాయి. పాఠశాల విద్యా కమిషనర్ వి.ఉషారాణి జారీ చేసిన ఆదేశాల ప్రకారం ప్రభుత్వ, మున్సిపల్, మండల పరిషత్, జెడ్పీ, ఎయిడెడ్ పాఠశాలలను ఉదయం 8 నుంచి మధ్యాహ్నం 12.30 వరకు నడుపుతారు. పదవ తరగతి పరీక్షల దృష్ట్యా ఆ పరీక్షలను నిర్వహించే హైస్కూళ్ళల్లో విద్యార్థులు హాజరవాల్సిన సమయాలలో మార్పులు ఉండవచ్చు.

ఆదేశాలు అందుకున్న ఆర్జెడీలు, డియివో లు ఏప్రిల్ 23 వరకూ ఒంటి పూట బడులు సక్రమంగా అమలు పరచేట్టుగా చూస్తారు. ఏప్రిల్ 23 నుంచి వేసవి శలవులుంటాయి.

 

-శ్రీజ