జగన్ లో ఉన్న కసి చూసిన దాడి?

Posted: 05/04/2013 01:39 PM IST

శాసనమండలి మాజీ ప్రతిపక్షనేత దాడి వీరభద్రరావు  వైఎస్‌ఆర్‌ కాంగ్రెస్‌పార్టీ అధ్యక్షుడు వైఎస్‌ జగన్‌ను చంచల్ గూడ జైల్లో కలిశారు. వీరభద్రరావుతో పాటు అతని కుమారుడు రత్నాకర్‌ కూడా జగన్‌ను కలిసినవారిలో ఉన్నారు. నమ్మని నాయకుడితో కలిసి పనిచేయలేనంటూ దాడి వీరభద్రరావు తెలుగుదేశం పార్టీకి రాజీనామా చేసిన విషయం తెలిసిందే.  త్వరలో వైఎస్ఆర్ కాంగ్రెస్ పార్టీలో చేరనున్నట్లు దాడి వీరభద్రరావు వెల్లడించారు.  దాడి వీరభద్రరావు మాట్లాడుతూ వైఎస్ఆర్ కుటుంబానికి అన్యాయం జరుగుతోందని, ఆ కుటుంబానికి అండగా నిలబడాలనుకుంటున్నట్లు ఆయన తెలిపారు.  జగన్ ఓ శక్తి అని, దృఢ సంకల్పం ఉన్న నాయకుడని ఆయన అన్నారు. తాను ఊహించిన, విన్న జగన్ వేరు, తాను చూసిన జగన్ వేరని ఆయన అన్నారు. 11 నెలలుగా జైలులో ఉన్నా ప్రజలకు మేలు చేయాలనే కసి జగన్‌లో కనిపించిందని ఆయన ప్రశంసించారు. వైయస్ రాజశేఖర రెడ్డి కుటుంబానికి అన్యాయం జరుగుతోందని, ఆ కుటుంబానికి తాను అండగా ఉంటానని ఆయన చెప్పారు. జగన్‌తో మాట్లాడిన తర్వాత చాలా విషయాలు తెలిశాయని ఆయన అన్నారు. త్వరలో తాను వైయస్సార్ కాంగ్రెసు పార్టీలో చేరుతానని ఆయన చెప్పారు. తాను గతంలో టిడిపి తరఫున లక్ష కోట్ల అవినీతిపై మాట్లాడానని, వైయస్సార్ కాంగ్రెసు పార్టీలో చేరిన తర్వాత వివరాలు ఇస్తానని ఆయన చెప్పారు. తెలుగుదేశం పార్టీ ఆదేశాలతోనే తాను గతంలో వైయస్, జగన్‌లపై ఆరోపణలు చేసినట్లు ఆయన తెలిపారు.