రాజీనామా డిమాండ్: వీహెచ్

Posted: 05/04/2013 04:37 PM IST

జగన్ కేసులో ఆరోపణలు ఎదుర్కుంటున్న మంత్రులు రాజీనామా చేసి ప్రజలలోకి వెళ్లాలని సీనియర్ కాంగ్రెస్ నేత, రాజ్యషభ సభ్యుడు వి.హనుమంతరావు అన్నారు.మంత్రులు తమ చిత్తుశుద్దిని రుజువు చేసుకోవాలని ఆయన సవాల్ చేశారు. మంత్రుల రాజీనామాలను ముఖ్యమంత్రి కిరణ్‌కుమార్‌రెడ్డి అంగీకరించాలని వి.హనుమంతరావు డిమాండ్ చేశారు. వైఎస్ రాజశేఖర్‌రెడ్డి తీసుకున్న నిర్ణయాలకు తాము బాధ్యులముకామని అప్పటి మంత్రులు అంటున్నారని, అలాంటి తప్పును ముఖ్యమంత్రి కిరణ్‌కుమార్ రెడ్డి చేయొద్దన్నారు. అందరినీ పరిగణలోకి తీసుకుని నిర్ణయం తీసుకోవాలని సూచించారు. దీనిపై సీఎం కు లేక రాస్తే సమాధానం రావడం లేదని వీహెచ్ తెలిపారు. తెలంగాణ కోసం ఉద్యమాలు, ధర్నాలు చేశామని, ఆఖరికి బస్సు కింద పడమన్నా పడతామని ఆయన స్పష్టం చేశారు. కర్ణాటకలో కాంగ్రెస్ గెలవడం ఖాయమని వీహెచ్ ధీమా వ్యక్తం చేశారు.