జమ్ము జైల్లో గాయపడ్డ పాక్ ఖైదీ సనావుల్లా మృతి

Posted: 05/09/2013 11:12 AM IST

Pakistani prisoner dies in india after revenge beating

పాకిస్థాన్ ఖైదీ సనావుల్లా చండీగఢ్ ఆస్పత్రిలో ఈరోజు ఉదయం మృతి చెందాడు. ఈ నెల 3న జమ్మూలోని కోట్‌బల్వాల్ జైలులో సహచర ఖైదీలో దాడిలో గాయపడిన సనావుల్లా చండీగఢ్ పీజీఐ ఆస్పత్రిలో చికిత్స పొందుతున్నాడు. వారం రోజుల నుండి చికిత్స అందించారు. చికిత్స పొందుతున్న సనావుల్లా మృతి చెందాడని వైద్యులు ఆరున్నర గంటలకు వైద్యులు ప్రకటించారు. సనావుల్లా 1994 బస్సు పేల్చివేత కేసులో నిందితుడు. అతనికి వైద్యులు అత్యుత్తమ చికిత్సను అందించినా కాపాడలేకపోయారు. సనావుల్లా మృతిని భారత్ పాకిస్తాన్‌కు తెలియజేసింది.

ఈ ఘటనపై అంతర్జాతీయ స్థాయిలో విచారణ జరిపించాలని పాకిస్తాన్ డిమాండు చేసింది. సనావుల్లా వయస్సు 52. కాగా, సనావుల్లాపై దాడి పాకిస్తాన్‌లో ఖైదీగా ఉండి తోటి ఖైదీల చేతిలో గాయపడ్డ సరబ్‌జిత్ సింగ్ పైన దాడికి ప్రతిగా భావిస్తున్నారు. సరబ్‌జిత్ సింగ్ ఇరవై మూడేళ్ల క్రితం భారత్ సరిహద్దు దాటి పాక్‌లోకి వెళ్లాడు. దీంతో అతనిని పాక్ సైన్యం పట్టుకుంది. అతనిని జైలుకు పంపించింది. ఆయనకు సంబంధం లేని కేసులను మోపి అతనిని ఇరవై మూడేళ్ల పాటు జైలులో ఉంచింది.

ఇటీవల ఆయనపై జైలులో దాడి జరిగింది. చికిత్స పొందుతూ మృతి చెందారు. సనావుల్లా మ్రుతదేహాన్ని పాకిస్థాన్ కు అప్పగిస్తామని కేంద్ర హోం మంత్రి సుశీల్ కుమార్ షిండే వెల్లడించారు. వీదేశి వ్యవహారాల మంత్రిత్వ శాఖ పాకిస్థాన్ అధికారులతో చర్చించిందని .. దేహాన్ని పాకిస్థాన్ పంపేందుకు అన్ని ఏర్పాట్లు చేస్తున్నామన్నారు. అయితే దేహాన్ని తీసుకెళ్లేందుకు పాకిస్థాన్ ప్రత్యేక విమానాన్ని పంపనున్నట్లు సమాచారం. ఇప్పుడు సనావుల్లా మృతి పై పాకిస్థాన్ ఎలా స్పందిస్తుందో చూడాలి.