యడ్యూరప్ప పుట్టిన రోజు..? నాయకుల్లో విషాదం

Posted: 05/09/2013 03:55 PM IST

Political bs yeddyurappa birthday party may be cancelled

కర్నాటక మాజీ ముఖ్యమంత్రి యడ్యూరప్ప, బిజేపి నుండి విడిపోయి, కొత్త పార్టీతో ఎన్నికల సమారంలోకి దిగిన విషయం తెలిసిందే. అయితే కొత్త పార్టీ పెట్టిన యడ్యూరప్ప నిరంతరం పార్టీ కోసం శ్రమిస్తున్న సమయంలో ఆయన పుట్టిన రోజు వచ్చింది. గత ఫిబ్రవరిలో 70 సంవత్సరాలోకి అడుగుపెట్టారు. అయితే అప్పుడు ఆయన పెద్దగా పుట్టిన రోజు వేడుకలు జరుపుకోలేదు. ఎన్నికల సమయంలో దగ్గర పడుతున్నసమయం, ఎన్నికల్లో తమ పార్టీ విజయం సాధిస్తే, అప్పుడు ఒకేసారి విజయోత్సవాలు జరుకోవాలనే ఉద్దేశంతో తన పుట్టిన రోజు వేడుకలను వాయిదా వేశారు.

కానీ కర్నాటక ఎన్నికల ఫలితాలు యడ్యూరప్పుకు వ్యతిరేకంగా వచ్చాయి. ఆయన నిన్నటి నుండి ఇంటి నుండి బయటకు రాకుండా, సెల్ ఫోన్ స్వీచ్ ఆఫ్ చేసి ఉన్నట్లు పార్టీ వర్గాలు చెబుతున్నాయి. అసలే పార్టీకి యడ్యూరప్ప ఆశించిన స్థాయిలో రాకపోవడంతో.. ఆయన నిరాశతో ఉన్నట్లు తెలుస్తోంది. కానీ యడ్యూరప్ప అనుచరులు, పార్టీ కార్యకర్తలు, మంచి ధూంధాం పార్టీ మిస్సయినట్లే అని నిరాశతో ఉన్నట్లు తెలుస్తోంది.

స్పష్టమైన ఆధిక్యం సాధిస్తామన్న నమ్మకంతో ఉన్న యడ్యూరప్ప కు అర డజను సీట్లు మాత్రమే లభించడం తట్టుకోలేని దెబ్బ తగిలిందని యడ్యూరప్ప అనుచరులు అంటున్నారు. అయితే యడ్యూరప్ప కొంత విజయం సాధించినా సంతోషించలేని పరిస్థితిలో యడ్యూరప్ప ఉండిపోయారు. మళ్లీ తన జాతకం పరీక్షించుకోవాలంటే.. ఐదు సంవత్సరాలు ఆగాల్సిందే. అప్పటి వరకు ఈ అర డజను మందితో యడ్యూరప్ప ఎంజాయ్ చెయ్యాల్సిందే...