శైలజానాథ్ కు తాకిన సెగ- సచివాలయం వద్ద ఉద్రిక్తత

Posted: 08/03/2013 02:55 PM IST

విభజనతో సీమాంద్రలో సెగ రేగుతుంది. అయితే ఆ సెగ ఇప్పుడు సచివాలయానికి తాకింది. సచివాలయంలో సీమాంద్ర ఉద్యోగులు ఆందోళనలను ఉద్ద్రుతం చేశారు. సచివాలయం ప్రధాన ప్రవేశ ద్వారం వద్ద మంత్రి శైలజానాథ్ ను అడ్డుకుని రాజీనామా చేయాలని పట్టుబట్టారు. దీంతో కొద్దిసేపు ఉద్రిక్తత నెలకొంది. సచివాలయం సీ బ్లాక్ వద్దకు చేరుకొని సీమాంద్రకు చెందిన కేంద్ర, రాష్ట్ర మంత్రులు, ఎంపీలు రాజీనామా చేయాలని నినాదాలు చేశారు. అయతే ఉద్యోగులను ఉద్దేశించి మంత్రి శైలజానాథ్ మాట్లాడుతూ రాష్ట్రాన్ని ఐక్యంగా ఉంచేందుకు సిద్దంగా ఉన్నామని ప్రకటించారు. సీమంద్రలో ఉద్యోగులు హక్కులను కాపాడాల్సిన బాధ్యత అందరిపై ఉందన్నారు. అధికారం, పదవులు కాదనేంతగా విభజనను వ్యతిరేకిస్తున్నామన్నారు. ఆంధ్రులు, రక్తం, చెమటలతో నిర్మించిన నగరం హైదరాబాద్ అని పేర్కొన్నారు.