తెలంగాణలో 24 గంటల బంద్

Posted: 09/06/2013 08:13 AM IST

సమైక్యాంధ్రకు మద్దతుగా ఏపీ ఎన్జీఓలు హైదరాబాద్ లో నిర్వహించ తలపెట్టిన ‘సేవ్ ఆంధ్రప్రదేశ్ ’ సభకు రాష్ట్ర ప్రభుత్వం (ముఖ్యమంత్రి కిరణ్ కుమార్ రెడ్డి) షరతులతో కూడిన అనుమతి ఇవ్వడంతో రేపు నిర్వహించనున్న నేపధ్యంలో ముఖ్యమంత్రి తెలంగాణ వ్యతిరేక చర్యలకు నిరసనగా నేటి అర్థరాత్రి నుండి 24 గంటల పాటు తెలంగాణ బంద్ కు తెలంగాణ రాజకీయ జేఏసీ, టీఆర్ఎస్ పార్టీ అధినేత చంద్రశేఖర్ రావు, ఎమ్మార్పీఎస్ కలిసి సంయుక్త బంద్ కు పిలుపునిచ్చాయి. ఈ బంద్ కు తెలంగాణ లో ఉన్న పార్టీలు మద్దతు ప్రకటించి బంద్ ను విజయవంతం చేయాలని కోరాయి. శనివారం హైదరాబాద్‌లో ఏపీఎన్జీవోల సభ నేపథ్యంలో గురువారం టీఎన్జీఓ భవన్‌లో జేఏసీ స్టీరింగ్ సమావేశమై భవిష్యత్ కార్యాచరణపై చర్చించింది. సమైక్యవాదం అంటేనే హక్కుల సాధనకు వ్యతిరేకమైన పోరాటమని తెలిపారు. ప్రభుత్వం అనుసరిస్తున్న తెలంగాణ వ్యతిరేక ధోరణిని నిరసిస్తూ 24 గంటల తెలంగాణ బంద్‌కు వెళ్తున్నాం అని ప్రకటించారు. ఈ బంద్ ను విజయవంతం చేయడానికి తెలంగాణ రాష్ట్ర సమితి కార్యకర్తలంతా కృషి చేయాలని పార్టీ అద్యక్షుడు కె.చంద్రశేఖరరావు పిలుపు ఇచ్చారు. మొత్తానికి ఓవైపు సభకు సన్నాహాలు, మరోవైపు తెలంగాణ బంద్ ప్రకటించడంతో హైదరాబాద్ లో ఏం జరగబోతుందోనని ఆందోళన చెందుతున్నారు ప్రజలు.