హైదరాబాద్ పై కేంద్రమే పుల్ స్టాప్ పెట్టాలి.

Posted: 09/25/2013 03:00 PM IST

సీమాంద్రలో నడుస్తున్న ఉద్యమం ఉవ్వెత్తున్న ఎగిసిపడుతుంది.. కాంగ్రెస్ నాయకుల్లో కలవరం మొదలైంది. ఇప్పటి ఏ రాజకీయ నాయకుడు లేకుండా, ఏ రాజకీయ పార్టీ లేకుండా సీమాంద్రలో ఉద్యమం నడుస్తున్న విషయం తెలిసిందే. అయితే రోజు రోజుకి ఉద్యమం తీవ్రత పెరుగుతుందే తప్ప, ఏమాత్రం దగ్గలేదు. సమైక్యాంద్రకోసం సీమాంద్ర ప్రజలు నడిరోడ్డుపైకి వచ్చారు. అయితే ఇలాంటి సమయంలో తెలంగాణ నాయకులు సీమాంద్ర ఉద్యమంపై ఘాటైన విమర్శలు చేస్తున్నారు.ఈరోజు కాంగ్రెస్ ఎంపీ అనంత వెంకట్రామిరెడ్డి హైదరాబాద్ పై తమకు హక్కు ఉందని అన్నారు. సమైక్యాంధ్ర ఉద్యమంతో సీమాంధ్రలో పరిపాలన పూర్తిగా స్తంభించిపోయిందన్నారు. ప్రజాస్వామ్యంలో ప్రజల అభిప్రాయం ప్రకారం ఎవరైనా తమ అభిప్రాయాలను మార్చుకోవాల్సిందేనన్నారు. తెలంగాణ నేతలు రెచ్చగొట్టేలా దూషిస్తున్నారని అనంత వెంకట్రామిరెడ్డి అన్నారు. రాష్ట్ర విభజన ప్రకటనతో ఏర్పడ్డ సంక్షోభానికి కేంద్రమే పుల్ స్టాప్ పెట్టాలని ఆయన డిమాండ్ చేశారు. రాష్ట్రాన్ని విభజించటానికి వీల్లేదని.... అన్యాయానికి గురవుతాం కాబట్టే... విభజనను వ్యతిరేకిస్తున్నామన్నారు. రాజీనామాలపై కట్టుబడి ఉన్నామని... వాటిని ఆమోదింప చేసుకుంటామని అనంత వెంకట్రామిరెడ్డి తెలిపారు. దిగ్విజయ్ సింగ్ చెప్పినా....అధిష్టానం ఆదేశించినా వెనక్కి తగ్గేది లేదన్నారు.