శంఖారావం మోగేది 28న

Posted: 10/17/2013 08:03 AM IST

వైయస్సార్ కాంగ్రెస్ పార్టీ ఈనెల 19వ తేదీన సమైక్యాంధ్రకు మద్దతుగా హైదరాబాద్ లో తలపెట్టిన సమైఖ్య శంఖారావం సభ వాయిదా పడింది. ఈ సభ కోసం ప్రభుత్వం నుండి అనుమతి రాకపోవడంతో హైకోర్టును ఆశ్రయించగా సభను నిర్వహించుకోవచ్చని తెలిపింది. అయితే ఈ అనుమతి వచ్చేనాటికి సభ నిర్వహణకు చాలా తక్కువ సమయం ఉండంటంతో దీనిని 19 వ తేదీన కాకుండా, ఈ నెల 28వ తేదీన నిర్వహించాలని ఆ పార్టీ నేతలు నిర్ణయించారు. సభకు హైకోర్టు గ్రీన్ సిగ్నల్ ఇవ్వడంతో ఆ పార్టీ నేతలు సంతోషం వ్యక్తం చేస్తున్నారు.

మొదట ఎల్బీ స్టేడియంలో నిర్వహించాలని అనుకున్నా, ఇప్పుడు వాయిదా పడటంతో 28వ తేదీన నిర్వహించే సభా వేధికను మాత్రం ఇంకా వెల్లడించలేదు. కోర్టు తీర్పును ఆ పార్టీ నేత ఎంవీ మైసూరారెడ్డి స్వాగతించారు. న్యాయం గెలిచినందుకు సంతోషంగా ఉందన్నారు. హింసించి ఆనందించే స్వభావం ఉన్న ప్రభుత్వ పర్యవేక్షణలో పోలీసులు వ్యవహరిస్తుండడం దురదృష్టకరమని మైసూరా వ్యాఖ్యానించారు.. ఆ మేరకు సభ నిర్వహణకు అనుమతి ఇవ్వాల్సిందిగా పార్టీ కేంద్ర కార్యనిర్వాహక మండలి సభ్యుడు కె.శివకుమార్ బుధవారం నగర డీసీపీ కమలాసన్‌రెడ్డిని కలిసి వినతిపత్రం అందజేశారు.