మళ్ళీ బీజేపీలోకి కృష్ణంరాజు

Posted: 10/28/2013 03:51 PM IST

గతంలో రాజకీయాలు రుచి చూసి ప్రస్తుతం రాజకీయాలకు దూరంగా ఉంటున్న సినీ నటులు 2014 ఎన్నికలు మళ్ళీ సమీపిస్తుండటంతో మళ్ళీ ఇటువైపు కన్నేశారు. రెబల్ స్టార్, సీరియర్ రాజకీయ నాయకుడు, మాజీ కేంద్ర హోంశాఖ సహాయ మంత్రి అయిన కృష్ణంరాజు మళ్ళీ తన సొంత గూటికే చేరే ప్రయత్నాలు చేస్తున్నాడనిపిస్తుంది. నేడు ఆయన బీజేపీ పార్టీ అధ్యక్షుడు అయిన రాజ్ నాథ్ సింగ్ ని కలవడమే ఈ వార్తలకు ఊతం వచ్చింది. కాంగ్రెస్ పార్టీలో చేరి రాజకీయ జీవితాన్ని ప్రారంభించి, ఆ తరువాత బీజేపీలో చేరి కాకినాడ, నర్సాపురం స్థానాల నుంచి గెలుపొంది

మాజీ ప్రధాని వాజ్ పేయి ప్రభుత్వంలో 1999 నుంచి 2004 వరకు కేంద్ర హోంశాఖ సహాయమంత్రిగా చేసిన ఆయన తరువాత 2009లో సినీ నటుడు చిరంజీవి స్థాపించిన ప్రజారాజ్యం పార్టీలో చేరి, రాజమండ్రి నుండి ఎంపీగా పోటీ చేసి ఓడిపోయిన తరువాత రాజకీయాలకు దూరంగా ఉంటున్న ఈయన మళ్ళీ తన సొంత గూడు అయిన బీజేపీలో చేరేందుకు ముమ్మర ప్రయత్నాలు చేస్తున్నారు. ఈయన రాజ్ నాథ్ సింగ్ ను పార్టీలో చేరే విషయమై మాట్లాడేందుకు కలిశాడా ? లేక మరేమైనా పనిమీద కలిశాడా అన్నది మాత్రం తెలియదు.