ఐక్యంగానే బిల్లును వ్యతిరేకిస్తాం: జెసి

Posted: 12/12/2013 03:12 PM IST

మాజీ మంత్రి జేసి దివాకర్ రెడ్డి నిత్యం మీడియాలోకి ఎక్కుతున్నాడు. జేసి తన ఇమేజ్ పెంచుకోవటానికి రోజుకోక రాజకీయ ప్రకటన చేసి, రాజకీయల్లో వేడి పుట్టిస్తున్నారు. కాంగ్రెస్ పార్టీ హైకమాండ్ సోనియా గాంధీ పైనే విమర్శలు గుప్పింస్తున్నారు.ఈరోజు అసెంబ్లీ సమావేశాలు ప్రారంభమైయ్యి. తెలంగాణ బిల్లు అసెంబ్లీ వస్తున్న తరుణంలో తెలంగాణ బిల్లును అడ్డుకోవటానికి సీమాంద్ర నాయకులు తీవ్రమైన క్రుషి చేస్తున్నారు. అన్ని పార్టీలకు చెందిన సీమాంధ్ర శాసనసభ్యులు అందరూ కలిసి ఐక్యంగా విభజన బిల్లును వ్యతిరేకిస్తామని జెసి దివాకర్ రెడ్డి చెప్పారు.

 

విభజన బిల్లు అసెంబ్లీకి రావడం ఆలస్యమైతే సమైక్య ఆంధ్ర తీర్మానాన్ని ప్రతిపాదిస్తామన్నారు. సీమాంధ్ర నేతలెవరూ పార్టీ రాష్ట్ర వ్యవహారాల బాధ్యుడు దిగ్విజయ్‌ సింగ్ ను కలవాలని అనుకోవడంలేదని జెసి చెప్పారు. అసలు జేసి ఏమీ కోరుకుంటున్నారో ఎవరికి అర్థం కావటం లేదు. రాష్ట్ర ముఖ్మమంత్రి నల్లారి కిరణ్ కుమార్ రెడ్డి సమైక్యాంద్ర కోసం,చివరి వరకు పోరాటం చేస్తానని అంటున్నారు. తెలంగాణ బిల్లును అడ్డుకోవటానికి నల్లారి సైన్యం సిద్దమవుతుంది. టీఆర్ఎస్ నాయకులు అసెంబ్లీలో ఈరోజు జై తెలంగాణ అంటూ నినాదాలతో మారుమ్రోగించారు. సీమాంద్ర నాయకులు కూడా జై సమైక్యంద్ర అంటూ నినాదాలు చేయటంతో.. అసంబ్లీలో కొద్ది సేపు నినాదాలతో నిండిపోయింది.

 

జేసి దివాకర్ రెడ్డి మాత్రం అన్ని పార్టీలో కలిసి ఐక్యంగా తెలంగాణ బిల్లును అడ్డుకుంటామని చెబుతున్నారు. జేసి తో టిడిపి నాయకులు, వైఎస్ఆర్ కాంగ్రెస్ నాయకులు, మిగిలిన పార్టీల నాయకులు కలిసి వస్తారా? అనే అనుమానం అందరికి కలుగుతుంది. జేసి పై చర్యలు తీసుకోవాలని పీసీసీ అధ్యక్షుడు బొత్స సత్యనారాయణ కాంగ్రెస్ హైకమాండ్ లేఖ రాసిన విషయం తెలిసిందే. బొత్స పై జేసి ఘాటైన విమర్శలే చేయటం జరిగింది. అయితే జేసి పై కాంగ్రెస్ హైకమాండ్ ఎలాంటి చర్యలు తీసుకుంటుందో చూడాలి.