ఆర్డినెన్స్ తో రాష్ట్రం మారిన ఎమ్మెల్యే?

Posted: 07/19/2014 11:57 AM IST

ఖమ్మం జిల్లా అశ్వారావు పేట ఎమ్మెల్యే తాటి వెంకటేశ్వర్లు కేంద్ర మంత్రి పాస్ చేసిన ఆర్డినెన్స్ వలన తన నియోజకవర్గంలో కొంత భాగం ఆంధ్రాలోకి పోవటం కొంత తెలంగాణాలో ఉండిపోవటం పట్ల తను ఏ రాష్ట్రానికి చెందిన ఎమ్మెల్యేనో కూడా కేంద్రమే చెప్పాలంటున్నారు.

తాటి వెంకటేశ్వర్లు స్వగ్రామం కన్నాయి గుట్ట ఇప్పుడు ఆంధ్ర ప్రదేశ్ లో చేరింది.  ఆయనకు వోట్లేసి గెలిపించిన వేలూరుపాటు కుక్కునూరు మండలాలూ ఆంధ్రప్రదేశ్ లో కలిసిపోయాయి.  

అందువలన, తానే రాష్ట్రానికి చెందిన ఎమ్మెల్యేనో అర్థం కావటంలేదని,  తనను రెండు శాసనసభల్లోనూ ఎమ్మెల్యేగా పరిగణిస్తారా లేకపోతే రెండిటిలోనూ కాదంటారా అని అడుగుతున్నారు.   ఈవిషయంలో సుప్రీం కోర్టు కి వెళ్తానని కూడా వైయస్ ఆర్ కాంగ్రెస్ శాసనసభాపక్ష నేత కూడా అయిన తాటి వెంకటేశ్వర్లు అంటున్నారు.

-శ్రీజ