మైకేల్ జాక్సన్ నన్ను 100సార్లు అనుభవించాడు : జేమ్స్

Posted: 08/07/2014 04:17 PM IST

(Image source from: michael jackson raped james safechuk 100 times)

పాప్ సంగీతాన్ని సరికొత్త ఒరవడితో లోకానికి పరిచయం చేసిన మైకేల్ జాక్సన్ గురించి తెలియనివారు ఎవ్వరుండరు. ఆయన ఆల్బం మార్కెట్లో విడుదలవుతుందంటే చాలు.. రికార్డులు బద్దలవ్వాల్సిందే! సినిమా జగత్తులో ఎంతమంచి పేరు సంపాదించుకున్నాడో... నిజ జీవితంలో కూడా అంతే మంచి వ్యక్తిగా కితాబును దక్కించుకున్నాడు. తన దగ్గర పనిచేస్తున్నవారి నుంచి సినీ ప్రముఖుల దాకా అందరితో కలిసి మెలిసి వుంటాడని అందరు పేర్కొంటుంటారు. అయితే ఇటువంటి లెజండరీ యాక్టర్ పై అత్యాచార ఆరోపణలు రావడం ఇప్పుడు పెద్ద దుమారాన్నే రేపుతోంది. ఈ వార్తలు విన్న ఈయన అభిమానులు ఒక్కసారి నివ్వెరపోయారు.

1980లో మైకేల్ తో కలిసి పెప్సీ ప్రకటనలో కనిపించిన సేఫ్ చెక్ జేమ్స్ అనే ఒక వ్యక్తి ఇతనికి సంబంధించిన కొన్ని ఆసక్తికర విషయాలను బయటపెట్టాడు. తాను బాలుడిగా వున్నప్పుడు జాక్సన్ 100సార్లు అత్యాచారం చేశాడంటూ ఆరోపణలు చేశాడు. దీనికి సంబంధించి జేమ్స్ కోర్టులో పిటిషన్ దాఖలు చేశాడు. ఈ ఫిర్యాదులో తన క్లైంట్ తీవ్ర ఆరోపణలు పేర్కొన్నాడని అతని తరఫు న్యాయవాది వెల్లడించాడు. తన క్లయింట్ జేమ్స్ ను జాక్సన్ చాలాసార్లు అనుభవించారని.. తనతో లైంగిక సంబంధంలో పాల్గొనే సమయంలో కోడ్ భాషను ఉపయోగించేవాడని న్యాయవాదులు చెప్పినట్లు యూఎస్ లోని ఓ ప్రముఖ వెబ్ సైట్ ప్రచురించింది.

అంతేకాదు.. జేమ్స్ ను రహస్యంగా వివాహం చేసుకునేందుకు మైకేల్ ఉంగరాన్ని, మ్యారేజ్ సర్టిఫికెట్ ను కూడా సిద్ధం చేసుకున్నాడని జేమ్స్ తన ఆరోపణలు ఒక డాక్యుమెంటరీ రూపంలో కోర్టుకు అందించినట్లు సమాచారం! తనపై మైకేల్ చాలాసార్లు అత్యాచారం చేశాడు కాబట్టి దానికి నష్టపరిహారం ఇప్పించాలని కోర్టుకు విజ్ఞప్తి చేశాడు. అయితే ఇతను దాదాపు 20 సంవత్సరాల తరువాత... అది కూడా మైకేల్ జాక్సన్ చనిపోయిన ఐదేళ్ల తరువాత జేమ్స్ ఈ విధంగా ఆరోపణలు చేయడంతో కొంతమంది పలు అనుమానాలను వ్యక్తం చేస్తున్నారు. 2009 జూన్ లో మైకేల్ ఎక్కువ మోతాదులో డ్రగ్స్ తీసుకున్న కారణంగా మరణించిన సంగతి తెలిసిందే!