‘‘ఎవరైనా సరే.. ఒక్క ఫోన్ కాల్ చేస్తే చాలు’’ : నటి రోజా

Posted: 08/28/2014 06:20 PM IST

(Image source from: ysrcp mla roja fires on tdp ministers in assembly)

ఏపీ అసెంబ్లీలో బడ్జెట్, హత్యారాజకీయ సమావేశాల్లో వైకాపా, టీడీపీ నేతల మధ్య పెద్ద వాగ్యుద్ధం జరుగుతున్న విషయం తెలిసిందే! ఈ నేపథ్యంలో టీడీపీ నేత బొజ్జల గోపాలకృష్ణరెడ్డి వైకాపా నేతలపై విమర్శలు చేస్తూ.. ఎమ్మెల్యే రోజాపై ధ్వజమెత్తి.. ఆమెను ‘‘ఐరన్ లెగ్’’గా అభివర్ణించారు. దీంతో మండిపడిన ఎమ్మెల్యే రోజా.. ఆయనకు, టీడీపీ పార్టీ అభ్యర్థులకు ధీటుగానే సమాధానం ఇచ్చారు. ఈ నేపథ్యంలోనే మాట్లాడిన ఆమె.. ‘‘ఐరన్ లెగ్’’ తనది కాదని, గోపాలకృష్ణారెడ్డిదేనని ఆమె అన్నారు. చంద్రబాబు మీద బాంబుదాడి జరిగినప్పుడు ఆ కారులో ఆయనే వున్నారని.. అలాగే వైఎస్ మరణానికి ముందురోజు కూడా క్యాంపు కార్యాలయంలో బొకేతో వెళ్లింది ఆయననే రోజా మండిపడ్డారు.

అంతకుముందు సభలో మాట్లాడిన రోజా.. టీడీపీలో వున్న కార్యకర్తలందరూ మద్యాన్ని డోర్ టు డోర్ డెలివరీ చేస్తూ ఏజెంట్లుగా అయిపోయారని చురకలంటించారు. ఎవరైనా సరే.. ఒక్క ఫోన్ కాల్ చేస్తే చాలు.. మద్యాన్ని ఇళ్లకు తీసుకెళ్లి మరీ ఇచ్చేంత స్థాయికి దిగిపోయారని పేర్కొంది. దీంతో ఇది మహిళా సంక్షోభ ప్రభుత్వమని మొదటి బడ్జెట్ లోనే తెలిసిపోయిందని అన్నారు. మధ్యమధ్యలో టీడీపీ సభ్యులు, మంత్రులు ఆమెను పదేపదే అంతరాయం కలిగించినప్పటికీ.. వారికి ధీటుగానే సమాధానం చెబుతూ తన ప్రసంగాన్ని కొనసాగించింది. టీడీపీ పార్టీ వల్ల కలిగిన నష్టాలను, అవినీతి గురించి ఆమె సభలో కొద్దిసేపటి వరకు వివరించారు.