‘శ్రీజ’ను పరామర్శించిన పవన్ కళ్యాణ్

Posted: 10/17/2014 02:30 PM IST

Pawan kalyan meets srija and shares her happiness

మానవత్వం పరిమళించిన మంచి మనసుకు స్వాగతం అంటూ పాటను ఆలపించే స్థితిలో లేకపోయినా.. ఆ చిన్నారి మోములో మాత్రం వెయి సూర్యులు ఒకే సారి కనిపించారు. అది ఎవరో కాదు తీవ్ర అనారోగ్యంతో.. ఖమ్మం జిల్లాలోని ఓ ప్రవేటు అస్పత్రిలో చికిత్స పొందుతున్న 13 ఏళ్ల చిన్నారి శ్రీజ. సినీ నటుడు, జనసేన అధినేత పవన్ కళ్యాన్ తనను చూడాడానికి వచ్చాడని తెలియగానే బలవంతంగా చిరు మందహాసంతో పవన్ ను పలకరించింది.

విశాఖలో తుపాను బాధితులను పరామర్శించేందుకు వెళ్లిన పవన్ కు మీడియా ద్వారా చిన్నారి విషయం తెలుసుకున్న పవన్ కళ్యాణ్ తాను వస్తున్నాను.. చిన్నారిని చూస్తాను, పరామర్శిస్తాను అని చెప్పగానే ఎప్పడెప్పుడు ఆ రేపు వస్తుందా..? అంటూ నిరీక్షించిన చిన్నారి కళ ఫలించింది. అమెను చూడటానికి స్వయంగా పవన్ కళ్యాణ్ ఖమ్మం జిల్లాకు వెళ్లాడు. చావు బతుకుల మధ్య కోట్టుమిట్టాడుతున్న చిన్నారిని చూశాడు, తీవ్ర అనారోగ్యంతో పోరాడుతున్న క్షణంలోనూ తనను చూడాలని అదే తన చివరి కోరిక అని చిన్నారి శ్రీజ చెప్పడంతో.. నటుడు పవన్ కల్యాణ్ పరామర్శించారు. తనను చూడాలనుకుంటున్న ఆమె కోరికను నెరవేర్చారు. తనలోని మానవత్వాన్ని చాటుకున్నాడు.

ప్రమాదం నుంచి తప్పించుకున్న పవన్ కల్యాణ్

ప్రముఖ నటుడు, జనసేన పార్టీ అధినేత పవన్ కల్యాణ్ ప్రమాదం నుంచి తప్పించుకున్నారు. ఖమ్మం వెళుతుండగా, కొణిజర్ల వద్ద ఆయన ప్రయాణిస్తున్న కారు స్వల్ప ప్రమాదానికి గురైంది. ఈ ప్రమాదంలో పవన్ కల్యాణ్ కు గాయాలేమీ కాలేదు. అనంతరం, ఆయన మరో కారులో ఖమ్మం బయల్దేరి వెళ్ళారు. ఖమ్మంలో జీవితం చివరి దశలో ఉన్న శ్రీజ అనే బాలిక పవన్ కల్యాణ్ ను చూడాలని ఉందని కోరడం తెలిసిందే. ఆ బాలికను సంతోష పెట్టేందుకే పవన్ ఖమ్మం పయనమయ్యారు.

చలించిన పవన్

శ్రీజను చూసి పవన్ చలించిపోయాడు. చిన్నారిని పరిస్థితిని చూసి కంటతడి పెట్టాడు. శ్రీజ వైద్య ఖర్చుల సహాయార్దం రూ.2లక్షలను ఆమె కుటుంబసభ్యులకు అందించాడు. అదేవిధంగా చిన్నారి కోసం ప్రత్యేకంగా ఆట బొమ్మలు, ఇతర వస్తువులు బహుకరించాడు.

జి.మనోహర్