మళ్లీ బెయిలొచ్చింది.., కానీ జైళ్ళోనే ఉండక తప్పదు

Posted: 01/09/2015 01:48 PM IST

ముంబై పేలుళ్ళు సూత్రధారి జకియుర్ రెహమాన్ లఖ్వీ విచిత్ర పరిస్థితి ఎదుర్కుంటున్నాడు. ఆయనపై నమోదైన కేసులన్నిటిలో క్రమంగా బెయిల్ వస్తోంది. కానీ ఆయన మాత్రం జైలు నుంచి బయటకు రావటం లేదు. ఈ లష్కర్-ఈ-తైబా కమాండర్ ను విడుదల చేయవద్దంటూ పాకిస్థాన్ సుప్రీం కోర్టు ‘పబ్లిక్ ఆర్డర్’ జారీ చేసింది. దీని ప్రకారం కోర్టు తదుపరి ఉత్తర్వులు వచ్చే వరకు లఖ్వీ విడుదల కాలేడు. ముంబై పేలుళ్ళ కేసులో కీలక నిందితుడుగా ఉన్న లఖ్వీని ఉగ్రవాద నిరోధక కోర్టు గతంలో నిర్దోషిగా ప్రకటించింది.

భారత్ సహా ప్రపంచ దేశాలు ఈ తీర్పుపై నిరసన వ్యక్తం చేశాయి. 160 మందికి పైగా ప్రజలను బలిగొన్న దుర్ఘటనకు సూత్రదారిని ఎలా విడిచిపెడతారని విమర్శలు వచ్చాయి. ప్రపంచ దేశాల వ్యతిరేకతతో స్పందించిన పాక్ ప్రభుత్వం కోర్టు తీర్పుపై సుప్రీంను ఆశ్రయించింది. ప్రభుత్వ పిటిషన్ పై స్పందించి లఖ్వీని విడుదల చేయవద్దని కోర్టు ఆదేశాలు ఇచ్చింది. దీంతో ఉగ్రవాదిపై ఉన్న మిగతా కేసుల్లో బెయిల్ వస్తున్నా ఆయన మాత్రం బయటకు రాలేకపోతున్నాడు.