కోదండరామా ఎందుకు మౌనం..?

Posted: 02/10/2015 09:45 AM IST

తెలంగాణ రాష్ట్ర ఉద్యమ సమయంలో కీలక పాత్రపోషించిన తెలంగాణ జెఎసి అధ్యక్షులు కోదండరాంపై టిటిడిపి నేతలు మాటల తూటాలు సందించారు. మిషన్ కాకతీయకు అన్ని రకాలుగా సహకరిస్తామని ప్రకటించిన కోదండరాం, మంత్రులు చేస్తున్న ఇసుక మాఫియాపై ఎందుకు మాట్లాడటం లేదని టిడిపి అధికార ప్రతినిధి నన్నూరి నర్సిరెడ్డి ప్రశ్నించారు. నిరుద్యోగులకు తెలంగాణలో ఉద్యోగాలు వస్తాయని ఆశగా ఉన్నా ఇప్పటి వరకు ఎలాంటి ఉద్యోగ ప్రకటన  రాలేదు. ఓ నిరుద్యోగి ఆత్మహత్యకు పాల్పడినా ఎందుకు నోరు మెదపడంలేదని ఆగ్రహం వ్యక్తం చేశారు. తెలంగాణ ముఖ్యమంత్రి కెసిఆర్ సీమాంద్ర పెట్టుబడిదారులను హెలికాఫ్టర్ లో ఎక్కించుకుని తిప్పుతున్న విషయం కనిపించడం లేదా అని అన్నారు. రైతులు ,విద్యార్ధులపై గతంలో లాఠీచార్జీలు జరుగుతున్నప్పుడు తీవ్రంగా విమర్శించిన కోదండరామ్ ఇప్పుడు ఎందుకు మౌనంగా ఉంటున్నారని నరిసిరెడ్డి ప్రశ్నించారు.