తెలంగాణకు చంద్రబాబు ద్రోహం చేస్తున్నారు: కడియం

Posted: 02/16/2015 09:49 AM IST

ఏపీ సీఎం నారా చంద్రబాబునాయుడు తెలంగాణ రాష్ట్ర ప్రయోజనాలను అడ్డుకుంటూ తీవ్ర ద్రోహానికి పాల్పడుతున్నారని రాష్ట్ర ఉపముఖ్యమంత్రి కడియం శ్రీహరి ధ్వజమెత్తారు. తెలంగాణ రాష్ట్రం ఏర్పడకుండా ఉండేందుకు చివరి క్షణం వరకు పార్లమెంటు సెంట్రల్‌హాల్‌లో ఉండి బాబు చక్రం తిప్పేందుకు యత్నించారన్నారు. ప్రత్యేక రాష్ట్ర ఏర్పాటుకు చంద్రబాబు సుముఖంగా లేరని తాను తెలుగుదేశం పార్టీని వీడి కేసీఆర్ నాయకత్వంలో పని చేసేందుకు వచ్చానన్నారు. ఉమ్మడి రాష్ట్రంలో ఈ ప్రాంతంలోని నీళ్లు, ఉద్యోగాలు, ఉపాధి అవకాశాలు, బొగ్గు, విద్య, వైద్యం తదితర రంగాల్లో దోచుకున్నారన్నారు. ఆంధ్రావారి దోపిడిని ఇక ఎట్టి పరిస్థితుల్లోనూ కొనసాగనివ్వమన్నారు. రాష్ట్ర ప్రభుత్వం కాకతీయ మిషన్, ఆసరా ఫించన్లు, సన్నబియ్యం, కళ్యాణలక్ష్మి వంటి బృహత్తరమైన సంక్షేమ పథకాలను ప్రవేశపెడుతోందన్నారు.