మధ్యప్రదేశ్ లో ఘోర ప్రమాదం..10 మంది మృతి, 40 మందికి గాయాలు

Posted: 02/17/2015 10:49 AM IST

మధ్యప్రదేశ్ లో జరిగిన ఘోర రోడ్డు ప్రమాదంలో 10 మంది మృతి చెందారు. 40 మందిపైగా గాయపడ్డారు. ధార్ జిల్లాలోని మచలియా ఘాట్ రోడ్డులో ఓ ప్రైవేటు బస్సు లోయలో పడిపోవడంతో ఈ దుర్ఘటన చోటుచేసుకుంది. ఇండోర్ నుంచి రాజస్థాన్ లోని గాలియకోట్ కు వెళుతుండగా ఈ ప్రమాదం జరిగింది. ధార్, జబువా జిల్లాలకు చెందిన అధికారులు సంఘటన స్థలానికి చేరుకొని పరస్థితిని సమీక్షిస్తున్నారు. ఆస్పత్రికి ఆరుగురి శవాలు చేరాయని, 40 మంది క్షతగాత్రులు చికిత్స పొందుతున్నారని జుబువా జిల్లా ఆస్పత్రికి చెందిన డాక్టర్లు తెలిపారు. సిఎం శివరాజ్ సింగ్ చౌహాన్ బాధిత కుటుంబాలకు లక్ష రూపాయల పరిహారాన్ని ప్రకటించారు. డ్రైవర్ బస్సుపై నియంత్రణ కోల్పోవడంతో ప్రమాదం జరిగిందని అధికారులు తెలిపారు.