జమ్ము కాశ్మీర్ లో సంకీర్ణ ప్రభుత్వం..?

Posted: 02/17/2015 04:15 PM IST

జమ్మూకాశ్మీర్ రాజకీయాలు రసవత్తరంగా సాగాయి. చాలా సార్లు చర్చల తర్వాత పిడిపి, భాజపా పొత్తు కుదిరినట్లు సమాచారం. అయితే పిడిపి పట్టుబట్టినట్లు 370 ఆర్టికల్ ను కేంద్ర ప్రభుత్వం వెంటనే రద్దు చెయ్యాలని ఓ అభిప్రాయానికి వచ్చినట్లు తెలుస్తోంది. జమ్ము కాశ్మీర్ లో కేంద్ర బలగాలకు హక్కులను కల్పిస్తున్న చట్టాలను రద్దు చెయ్యాలని, పౌరులకు పూర్తి హక్కులు కల్పించాలని పిడిపి ప్రధానంగా డిమాండ్ చేసింది. అయితే కేంద్ర బలగాల హక్కుల విరమణ గురించి మిలిటరీ అధికారులతో చర్చించి, ఓ నిర్ణయాన్ని తీసుకుంటామని భాజపా తెలిపినట్లు తెలుస్తోంది.

మొత్తానికి జమ్మూకాశ్మీర్ రాష్ట్రంలో సంకీర్ణ ప్రభుత్వం ఏర్పాటు కానుంది. ఈ ప్రభుత్వాన్ని పీడీపీ, బీజేపీలు కలిసి ఏర్పాటు చేయనున్నాయి. ప్రభుత్వ ఏర్పాటుపై జరుగుతున్న చర్చలు ఓ కొలిక్కి వచ్చినట్టు సమాచారం. ఫలితంగా ముఖ్యమంత్రిగా పీడీపీ నేత ముఫ్తీ మహమ్మద్, ఉప ముఖ్యమంత్రిగా బీజేపీ నాయకుడు బాధ్యతలు చేపట్టే అవకాశముంది. దీంతో మరో వారం రోజుల్లో జమ్మూ కాశ్మీర్‌లో ప్రభుత్వం ఏర్పాటుకానుంది. ప్రస్తుతం గవర్నర్ పాలనలోనున్న ఈ రాష్ట్రంలో... ప్రభుత్వ ఏర్పాటుకు పీడీపీ -బీజేపీ సిద్ధమయ్యాయి. జమ్మూకశ్మీర్ పాలన కోసం అనుచరించాల్సిన విధి విధానాలు దాదాపు ఖరారయ్యాయి. దీనిపై ప్రధాని నరేంద్ర మోడీ తుది నిర్ణయం తీసుకోనున్నారు.