https://teluguwishesh.com./
అప్పుడు బెంగళూరు....ఇప్పుడు హైదరాబాద్. కొన్ని నిమిషాల పాటు ఎక్కడి ట్రాఫిక్ అక్కడే జామ్. ఆ మార్గంలో ఒక్క వాహనం కూడా లేకుండా కట్టదిట్టమైన చర్యలు. మరోలా చెప్పాలంటే గ్రీన్ కారిడార్ ఏర్పాటు చేశారు. ఇంతకీ గ్రీన్ కారిడార్ అంటే ఏమిటీ అనుకుంటున్నారా..? గ్రీన్ కారిడార్ అంటే సజీవంగా ఓ ప్రాంతంలో వున్న అవయవాన్ని నిర్ధేశిత సమయంలోపు గమ్యస్థానానికి చేర్చడమే. ఇందుకు ఎవరూ అడ్డురాకుండా రోడ్డుమార్గంలో కొన్ని నిమిషాల పాటు అప్రకటిత కర్ఫ్యూను విధించడమే.
ఇప్పుడు హైదరాబాద్ లో గ్రీన్ కారిడార్ ఏర్పాటు చేయాల్సిన అవసరం ఎందుకోచ్చింది అంటే.. సికింద్రాబాద్ యశోదా ఆస్పత్రిలోని ఓ మహిళకు అమర్చాల్సిన గుండెను బెంగళూరు నుంచి ప్రత్యేక విమానంలో నగరానికి తీసుకు వచ్చారు. శనివారం మధ్యాహ్నం 1.30 గంటలకు ప్రత్యేక సిబ్బంది పర్యవేక్షణలో బేగంపేట ఎయిర్పోర్టుకు గుండె సజీవంగా చేరుకుంది. అక్కడి నుంచి అంబులెన్సులో నేరుగా ఆస్పత్రికి గుండెను చేర్చారు. ఇందుకోసం ఎలాంటి ట్రాఫిక్ సమస్యలు తలెత్తకుండా ట్రాఫిక్ యంత్రాంగం గ్రీన్ కారిడార్ ను ఏర్పాటు చేసి చర్యలు తీసుకుంది. కేవలం మూడు నిమిషాల్లో బేగంపేట విమానాశ్రయం నుంచి సికింద్రాబాద్ యశోదా ఆస్పత్రికి తరలించారు.
యశోదా ఆస్పత్రిలో చికిత్స పొందుతున్న 45 ఏళ్ల మహిళకు ఈ గుండెను అమర్చనున్నారు. డాక్టర్ గోఖలే బృందం ఆధ్వర్యంలో ఈ గుండెమార్పిడి జరగనుంది. మహారాష్ట్ర షోలాపూర్ కు చెందిన దినసరి కూలి రెండు రోజుల క్రితం కర్ణాటకలో బెంగళూరు ఎలక్ట్రానిక్ సిటీ వద్ద రోడ్డు ప్రమాదానికి గురయ్యాడు. దాంతో అతన్ని చికిత్స నిమిత్తం పీఎంఎస్ ఎస్ వై ఆస్పత్రిలో చేర్చారు. అయితే రోగికి బ్రెయిన్ డెడ్ అయినట్టుగా వైద్యులు ప్రకటించారు. దీనితో మృతుని బంధువులు అవయవదానానికి అంగీకరించారు. అంతే బెంగళూరు నుంచి హైదరాబాద్కు గుండెను తరలించారు. కూలి కుటంబం పెద్ద హృదయంతో అవయవదానానికి అంగీకరించి నలుగురు జీవితాల్లో వెలుగులు అందించడంతో పాటు దానగుణంలో కుబేరులనిపించుకున్నారు.
జి.మనోహర్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
