అందుకే గండిపేట్ లో టిడిపి మహానాడు?

Posted: 05/04/2015 11:21 AM IST

Telugudesam party decided to conduct mahanadu in hyderabad

తెలుగుదేశం పార్టీ మహానాడును గండిపేటలోని తెలుగు విజయం ప్రాంగణంలోనే నిర్వహించాలని ఆ పార్టీ పొలిట్‌బ్యూరో నిర్ణయించింది. తెలంగాణలోని పార్టీ శ్రేణుల్లో స్త్థెర్యం నింపడం, గ్రేటర్ హైదరాబాద్ ఎన్నికలకు సిద్ధం కావడం కోసం గండిపేటలోనే మహానాడు నిర్వహించాలని నిర్ణయించారు. ఏపీ కొత్తగా ఏర్పడిన రాష్ట్రమైనందున అక్కడ నిర్వహిస్తే బాగుంటుందని కొందరు నేతలు సూచించినా చివరకు హైదరాబాద్‌లోని గండిపేటనే ఖరారు చేశారు. ఎండల దృష్ట్యా రెండు రోజులకే పరిమితం చేయాలని కొందరు చెప్పగా చంద్రబాబు అంగీకరించలేదు. రాజకీయ కార్యక్రమాలు పెరగాల్సి ఉన్నందున మూడు రోజుల పాటు జరపాల్సిందేనని తెలిపారు. మే 27,28,29 తేదీల్లో మహానాడు జరగనుంది. తెదేపాను జాతీయ పార్టీగా చేసేందుకు అవసరమైన అధ్యయనం, కసరత్తు చేయడం కోసం యనమల రామకృష్ణుడు, రావుల చంద్రశేఖర్‌రెడ్డి, పయ్యావుల కేశవ్‌లతో ఒక కమిటీని నియమించారు. తమిళనాడు, కర్ణాటక, అండమాన్-నికోబార్, మహారాష్ట్ర, ఒడిశాలలో పార్టీ సభ్యత్వ నమోదుకు అవసరమైన ఏర్పాట్లు చేయాలని నిర్ణయించారు.

తెలుగుదేశం పార్టీ ఎత్తులు ఇవే కావచ్చు..
*హైదరాబాద్ ఎలక్షన్స్
* హైదరాబాద్ లో మహానాడు పెడితే ఏపి, తెలంగాణల నుండి భారీగా కార్యకర్తలు హైదరాబాద్ చేరుకుంటారు. కాబట్టి తెలంగాణ క్యాడర్ లో కొత్త ఉత్సాహం కనిపిస్తుంది.
* తెలంగాణ రాష్ట్రం ఏర్పడిన తరువాత నుండి టిఆర్ఎస్ పార్టీ తెలుగుదేశం పార్టీని పక్క రాష్ట్రం పార్టీగా సంబోదిస్తోంది. కాబట్టి దాన్ని మార్చాలన్న ఉద్దేశం
*తెలంగాణ నేతలు కేసీఆర్ దూకుడు ముందు రానించలేకపోతున్నారు. టిడిపి నేతలను అన్ని రకాలుగా కట్టడి చేస్తున్నాడు కేసీఆర్. కాబట్టి కేసీఆర్ పై టిడిపి నేతలు పోరాడేలా కొత్త ఉత్సాహాన్ని నింపడానికి
* ఏపిలొ పార్టీ ఎలాగూ అధికారంలో ఉంది కాబట్టి అక్కడ పెద్దగా మహానాడు నిర్వహించాల్సిన అవసరం లేదు.
* టిఆర్ఎస్ పార్టీ హైదరాబాద్ లో భారీ బహిరంగ సభ నిర్వహించింది కాబట్టి ఆ సభకు పోటీగా మహానాడు నిర్వహించి తెలంగాణలో తమ సత్తా చాటాలని

//అభినవచారి//