మరికొద్దిసేపట్లో మంచు మనోజ్ పెళ్లి.. భారీగా ఏర్పాట్లు

Posted: 05/20/2015 07:49 AM IST

సినీ నటుడు మంచు మనోజ్ వివాహం ఈ  ఉదయం 9.05 గంటలకు హైదరాబాద్ లోని హైటెక్స్‌లో జరగనుంది. కలెక్షన్ కింగ్ మోహన్‌బాబు ఇంట జరుగుతున్న ఈ వివాహ వేడుకకు పలువురు సీనీ, రాజకీయ ప్రముఖులు హాజరై నూతన దంపతులను ఆశీర్వదించనున్నారు. మంచు విష్ణు భార్య విరానికా స్నేహితురాలైన ప్రణతిరెడ్డిని మనోజ్ వివాహం చేసుకుంటున్న విషయం తెలిసిందే. ప్రణతి బిట్స్‌పిలానీ నుంచి మెకానికల్ ఇంజనీరింగ్‌ను పూర్తిచేసింది. ఈ వివాహానికి ఏడు రాష్ర్టాల గ‌వ‌ర్న‌ర్లు‌, ఇరు తెలుగు రాష్ర్టాల ముఖ్యంత్రులు హాజ‌రు కానున్నా‌రు. ఇదే త‌రుణంలో మంత్రులు , మాజీ మంత్రుల‌తో పాటు నాలుగు భాష‌ల‌కు చెందిన న‌టీన‌టులు హాజ‌రుకానున్నా‌రు. మ‌నోజ్ వివాహానికి 700 మంది ప్రైవేట్ సెక్యూ‌రిటీతో పాటు మ‌రో 200 మంది స్టే‌ట్ సెక్యూ‌రిటీ భారీ బందోబ‌స్తు ఏర్పా‌ట్లు చేశారు.

*అభినవచారి*