ఈ అక్కాచెల్లెళ్ల ఆచూకీ తెలిస్తే.. చెప్పరూ..

Posted: 05/24/2015 04:09 PM IST

కర్ణాటకలో ఇద్దరు అక్కాచెల్లెలు అదృశ్యమైన సంఘటన కలకలం సృస్టించింది. రిజర్డ్వ్ ఆర్మ్ ఫోర్స్ లో ఏఎస్ఐగా విధులు నిర్వహిస్తున్న రాంబోవి అని అధికారి కూతుళ్లే శుక్రవారం సాయంత్రం ఇంటి నుంచి బయటకు వెళ్లి తిరిగి ఇంటికి రాకపోవడంపై అనేక అనుమానాలు వ్యక్తమవుతున్నాయి. కూతుళ్ల అధృశ్యం సమాచారం అందుకున్న రామ్ బొవి శనివారం సాయంత్రం పోలీసులకు పిర్యాదు చేశాడు. జవహార్ నగర్ పోలిస్ స్టేషన్ ఎస్‌ఐ వెంకన్న తెలిపిన వివరాల ప్రకారం.. కర్ణాటకకు చెందిన రామ్‌బోవి జవహర్‌నగర్‌లోని ఆర్‌ఏఎఫ్‌లో ఏఎస్‌ఐగా విధులు నిర్వహిస్తూ, కుటుంబసభ్యులతో కలిసి మల్లెలగూడలో నివసిస్తున్నారు.

ఆయన పెద్ద కూతురు బిందురామ్(20) డిగ్రీ, చిన్న కూతురు రుచిత్రామ్(19) ఇంటర్ చదువుతున్నారు. శుక్రవారం రామ్‌బోవి భార్య బంగారమ్మ ఇంట్లో నిద్రిస్తున్న సమయంలో బయటకు వెళ్లిన అక్కాచెల్లెళ్లు తిరిగిరాలేదు. సమాచారం అందుకున్న రామ్‌బోవి సెలవుపై వచ్చి.. కూతుళ్ల కోసం తెలిసిన వాళ్లు ఇళ్లన్నింటీలోనూ వాకాబు చేశారు. ఆయన సహఉద్యోగి పురన్‌సింగ్ శనివారం సాయంత్రం జవహర్‌నగర్ పోలీసులకు ఫిర్యాదు చేశారు. యువతుల ఆచూకీ తెలిసినవారు 9490617140, 833298117 నంబర్లలో సమాచారం ఇవ్వాలని పోలీసులు కోరారు. ఈమేరకు కేసు దర్యాప్తులో ఉంది. జవహర్‌నగర్ పోలీస్‌స్టేషన్‌లో పరిధిలో జరిగిన ఈ ఘటనలో అమ్మాయిలు వారంతట వారే వెళ్లారా..? లేక ఎవరైనా కిడ్నాప్ చేశారా అన్న కోణంలో పోలీసులు కేసు దర్యాప్తు చేస్తున్నారు.

జి. మనోహర్