తిన్నారని.. చంపేశారు ఆ క్రూరులు!

Posted: 06/23/2015 09:38 AM IST

Isis hanged 2 boys for eating during holy muslim month of fasting

ముస్లిముల పవిత్ర మాసమైన ‘రంజాన్’లో 30 రోజులపాటు ఉదయం నుంచి సూర్యాస్తమయం వరకు ఆహారం, నీరు తీసుకోకుండా ‘ఉపవాసం’ వుంటారు. ముఖ్యంగా అరబ్ దేశాలు ఈ రంజాన్ మాసాన్ని ఎంతో నియమనిబద్ధతలతో నిర్వహించుకుంటారు. అయితే.. ఈ రంజాన్ వేళల్లో ఇద్దరు ముస్లిం యువకులు ఆహారం తీసుకున్నారన్న విషయం తెలుసుకున్న ఐఎస్ఐఎస్ ఉగ్రవాదులు.. వారిద్దరిని అత్యంత దారుణంగా చంపేశారు. ఈ ఘటన బీరూట్ డెయిర్ ఈజోర్ ప్రావిన్స్ లోని మాయాదీన్ గ్రామంలో సోమవారం చోటు చేసుకుంది. ఈ విషయాన్ని సిరియాకు చెందిన మానవహక్కుల సంఘ పర్యవేక్షకులు మంగళవారం వెల్లడించారు.

వివరాల్లోకి వెళ్తే.. బీరూట్ లో నివాసముండే 18 ఏళ్లకంటే చిన్నవారైన ఇద్దరు యువకులు ఈ రంజాన్ మాసంలో ఆకలి తాళలేక ఆహారం భుజించారు. ఎవరికీ తెలియకుండా ఎంతో జాగ్రత్తతో ఆహారం తీసుకోవాలని వారు ప్రయత్నించారు. కానీ.. ఈ విషయం ఎలాగో ఐఎస్ఐఎస్ ఉగ్రవాదులకు తెలిసింది. అంతే! వారు అగ్గిమీద గుగ్గిలమయ్యారు. వెంటనే సదరు యువకులను వారు ఉరితీశారు. అంతేకాదు.. వారి మృతదేహాల వద్ద ముస్లిం పవిత్ర మాసమైన రంజాన్ ఆచరించివలసిన నియమనిబంధనలను వీరిద్దరు అతిక్రమించారని ప్లకార్డులు ప్రదర్శించారు. ప్రస్తుతం ఈ విషయం ప్రపంచవ్యాప్తంగా తీవ్ర సంచలనం రేపుతోంది. ఈ ఘటనపై కొందరు తీవ్ర విమర్శలు గుప్పిస్తున్నారు.

ముస్లిం పవిత్ర మాసం రంజాన్ గత గురువారం నుంచి ప్రారంభమైంది. ముస్లింలు ఎంతో భక్తి శ్రద్ధలతో జరుపుకునే ఈ మాసంలో ఉదయం నుంచి సాయంత్రం వరకు ఆహారం తీసుకోకుండా వుంటారు. అయితే.. ఆ ఇద్దరు యువకులు రంజాన్ నియమనిబంధనలను అతిక్రమించి ఆహారం తీసుకున్నారని.. ఐఎస్ఐఎస్ ఉగ్రవాద సంస్థ ఉరిశిక్ష విధించింది.