రేవంత్ బెయిల్ పై సుప్రీంకోర్టులో సవాల్ చేసిన ఏసీబి

Posted: 07/02/2015 01:09 PM IST

Acb challenges reventhreddy bail petition in supreme court

ఓటుకు నోటు కేసులో నిందితుడిగా గత నెల రోజుల పాట్లు చర్లపల్లి జైలులో వున్న తెలంగాణ టీడీపీ ఎమ్మెల్యే రేవంత్ రెడ్డికి ఏసీబి న్యాయస్థానం బెయిల్ ను మంజూరు చేయడంపై ఏసీబి అధికారులు దేశ సర్వోన్నత న్యాయస్థానం సుప్రీంకోర్టును ఆశ్రయించారు. తెలంగాణ ఎమ్మెల్సీ ఎన్నికలలో భాగంగా టీఆర్ఎస్ నామినేటెడ్ ఎమ్మెల్యే స్టీఫెన్ సన్ తో తమ పార్టీ అభ్యర్థికే ఓటు వేయాలని డీల్ కుదుర్చుకన్న రేవంత్ రెడ్డి.. డీల్ లో భాగంగా 50 లక్షల రూపాయలను స్టీపెన్ సన్ కు ఇస్తూ రెడ్ హ్యాండెడ్ గా ఏసీబి అదికారులకు పట్టుబడిన కేసులో ఇంకా అనేక అంశాలపై విచారణ సాగుతున్న క్రమంలోనే రేవంత్ బెయిల్ ఏసీబి న్యాయస్థానం బెయిల్ ఇవ్వడాన్ని ఏసిబి అధికారులు సవాల్ చేస్తున్నారు.

ఈ మేరకు అత్యున్నత న్యాయస్థానంలో పిటీషన్ దాఖలు చేశారు. ప్రజాస్వామ్యాని రేవంత్ రెడ్డి అపహాస్యం చేశారని, ఎమ్మెల్యేగా కోనసాగుతూ.. మరో ఎమ్మెల్యేను కోనాలని ప్రయత్నించారని ఏసీబి అధికారులు పిటీషన్ లో పేర్కోన్నట్లు సమాచారం. మరో పది మంది ఎమ్మెల్యేలను కొంటే ప్రభుత్వమే పడిపోతుందన్న విషయాన్ని కూడా పిటీషన్ లో పొందిపర్చినట్లు తెలుస్తోంది. ఈ పిటీషన్ రేపు విచారణకు వచ్చే అవకాశాలు వున్నాయని న్యాయనిపుణులు చెబుతున్నారు. దీనికి తోడు రేవంత్ రెడ్డి బెయిల్ పై జైలు నుంచి విడుదల కాగానే ఆయన తెలంగాణ ప్రభుత్వానికి వ్యతిరేకంగా చేసిన వ్యాఖ్యాల టేపులను కూడా పిటీషన్ తో పాటు ఏసీబి అధికారులు కోర్టలో సమర్పించినట్లు సమాచారం. వీటితో పాటు కేసుకు సంబంధించిన పూర్వపారాలను కూడా పూర్తిగా సుప్రీంకోర్టు దృష్టికీ తీసుకురానున్నట్లు సమాచారం.

జి.మనోహర్