‘బాహుబలి’ హిట్ కోసం మేక బలి!

Posted: 07/10/2015 10:48 AM IST

ప్రేక్షకాభిమానులు ఎప్పుడెప్పుడా అని ఎదురుచూసిన ‘బాహుబలి’ సినిమా ఎట్టకేలకు జూలై 10న విడుదలైంది. భారీ అంచనాల మధ్య విడుదలైన ఈ చిత్రంపై మీడియా కూడా పూర్తిస్థాయిలో దృష్టి పెట్టి మరింత పబ్లిసిటీ తెచ్చిపెడుతోంది. దాదాపు రూ.200 కోట్లకుపైగా బడ్జెట్ తో మూడేళ్లపాటు షూటింగ్ జరుపుకున్న ఈ చిత్రం తెలుగు చిత్రపరిశ్రమ ఖ్యాతిని ప్రపంచవ్యాప్తంగా చాటిచెప్పేలా దర్శకధీరుడు రాజమౌళి తెరకెక్కించడంతో ఈ మూవీకి భారీస్థాయిలో హైప్ వచ్చేసింది. హాలీవుడ్ తరహాలో అద్భుతమైన గ్రాఫిక్స్ తో రూపొందిన ఈ సినిమా శుక్రవారం విడుదలవడంతో రెండు రాష్ట్రాల్లోనూ పండగ వాతావరణం నెలకొంది.

ఇక అభిమానుల గురించి ప్రత్యేకంగా చెప్పుకోవాల్సిన అవసరం లేదు. తమ అభిమాన హీరో సక్సెస్ అవ్వాలని విడుదలరోజు ఏదో ఒక సంచలనం సృష్టిస్తుంటారు. ‘బాహుబలి’ సినిమా విషయంలోనూ అలాంటిదే ఒకటి చోటు చేసుకుంది. ఈ సినిమా ఇండియన్ ఇండస్ట్రీలో సరికొత్త రికార్డులు బద్దలు కొట్టాలని కోరుతూ రంగారెడ్డి జిల్లా వికారాబాదులో ఫ్యాన్స్ ‘సినీమ్యాక్స్’ థియేటర్ వద్ద ఓ మేకను బలిచ్చినట్లు తెలిసింది. ‘బాహుబలి’ పోస్టర్ ముందు రక్తపు మడుగుల్లో పడివున్న ఆ మేకను ఫోటో తీసి వాట్సాప్ లో పెట్టారు. ఇప్పుడీ ఫోటో తెగ హల్ చల్ చేస్తోంది. అయితే.. కేవలం ఓ సినిమా బంపర్ హిట్ అవ్వాలని కోరుతూ ఇలా మేకను బలివ్వడంపై కొందరు నెటిజన్లు తప్పు పడుతున్నారు. అభిమానం వుండాలికానీ.. మరీ మేకను బలిచ్చేంత ఓవర్ గా వుండకూదని వ్యతిరేక స్పందనలు వస్తున్నాయి.

AS