‘బ్యాట్మ్యాన్’ మాజీ ప్రేయసికి పోర్న్ పేరడీ భారీ ఆఫర్

Posted: 08/24/2015 11:42 AM IST

Christine ouzounian rejects batman vs superman romance parody movie ben affleck

హాలీవుడ్ లో ‘బ్యాట్మ్యాన్ వర్సెస్ సూపర్మ్యాన్ - డాన్ ఆఫ్ ది జస్టీస్’ అనే పేరిట ఓ భారీ చిత్రం రూపొందుతోంది. వచ్చే ఏడాది మార్చినెలలో ప్రేక్షకుల ముందుకు రానున్న ఈ సినిమాకి సంబంధించి ఇప్పటికే రెండు ట్రైలర్లు విడుదల అయ్యాయి కూడా. దీంతో ఈ చిత్రం విడుదలకు ప్రపంచవ్యాప్తంగా అభిమానులు ఎదురుచూస్తున్నారు. ప్రస్తుతం ఈ సినిమాకి సంబంధించే చర్చలు విశ్వవ్యాప్తంగా కొనసాగుతున్నాయి. దీంతో ఈ సినిమా క్రేజ్ ని పసిగట్టిన కొందరు దర్శకనిర్మాతలు.. ఈ మూవీని మరో విధంగా క్యాష్ చేసుకోవడానికి ప్రయత్నలు చేస్తున్నారు. అదెలా అంటారా..? ఆ వివరాలు తెలియాలంటే మేటర్ లోకి వెళ్లాల్సిందే!

ఇంకా విడుదలకు నోచుకోని ఈ భారీ చిత్రం ఇప్పుడే ప్రధాన వార్తల్లో నిలివడంతో.. దానికి నకలుగా ఎన్నో పేరడీలు వచ్చేశాయి. ఆ పేరడీల్లో ఎక్కువ ప్రజాదరణ పొందుతున్న వాటిల్లో పోర్న్ పేరడీ ఒకటి. ‘బ్యాట్ మ్యాన్ వర్సెస్ సూపర్ మ్యాన్ ట్రిపుల్ ఎక్స్’ పేరిట పోర్న్ పేరడీ 2015 జూన్ 3వ తేదీన విడుదలైంది కూడా. ఇప్పుడీ సినిమాకి సంబంధించి అనేక ఆసక్తికరమైన విషయాలు వెలుగులోకి వస్తున్నాయి. ఈ చిత్రం పేరడీలో నటించేందుకు తనకు భారీ పారితోషికం ఇవ్వజూపారని క్రిస్టీన్ ఒజొనియాన్ ఆదివారం ఓ ఇంటర్వ్యూలో చెప్పారు. ఇంతకీ ఆమెకు అని అనుకుంటున్నారు. బ్యాట్మ్యాన్ సినిమాలో హీరో అసలు హీరో అయిన బెన్ అఫ్లెక్స్ మాజీ గర్ల్ ఫ్రెండ్. గతంలో వీరిద్దరి మధ్య గాఢమైన ప్రేమాయణం కొనసాగింది. వీరి ప్రేమ వ్యవహారం అప్పట్లో పతాక శీర్శికలకెక్కింది. నిజజీవితంతో వారి ప్రేమగాథకున్న క్రేజ్.. సదరు పోర్న్ పేరడీ మూవీకి మరింత ప్లస్ అవుతుందని దర్శక నిర్మాత అలెక్స్ బ్రౌన్ (ఇటలీలో అడల్ట్ సినిమాల దర్శకుడిగా ఇతగాడికి గొప్ప పేరుంది) భావించాడు. ఈ క్రమంలోనే అతగాడు వారిద్దరితోనే పోర్న్ పేరడీ తీయాలని భావించాడు. ఈ క్రమంలోనే బ్యాట్ఉమన్ పాత్రకు క్రిస్టీన్నే తీసుకోవాలని భావించాడట. అయితే.. బ్యాట్మ్యాన్ బెన్ ని కాకుండా మరొకరి తీసుకోవాలని భావించాడట. ఎదుకంటే.. బ్యాట్ మ్యాన్ ఎలాగో మాస్క్ వేసుకుంటాడు కాబట్టి ఆ పాత్ర ఎవరు చేసినా ఫర్వాలేదని ఆయన ఉద్దేశించినట్లు తెలిపాడు.

అయితే ఆ ఆఫర్ తనకు నచ్చకపోవడంతో తాను సున్నితంగా తిరస్కరించానని క్రిస్టీన్ చెప్పుకొచ్చింది. బెన్తో ఎప్పుడో తెంచుకున్న ప్రేమ బంధం తాలూకు గుర్తుల్ని.. మళ్లీ బ్యాట్ఉమన్గా నటించి గుర్తుచేసుకోలేనని క్రిస్టీన్ వివరించింది. కాగా.. క్రిస్టీన్తో విడిపోయిన తర్వాత బెన్ మరో నటీ జెన్నీఫర్ గార్నెర్ను పెళ్లాడాడు. ఇదిలావుండగా.. ఈ సినిమా పేరడీలాగే గతంలో 300, అవేంజర్స్ లాంటి సినిమాలకు కూడా పోర్న్ పేరడీలు వచ్చాయి. అప్పట్లో వాటిని ప్రజాదరణ భారీగా రావడంతోపాటు దర్శకనిర్మాతలకు కాసుల వర్షాన్ని కురిపించాయి కూడా. ఇప్పుడీ బ్యాట్ మ్యాన్ వర్సెస్ సూపర్ మేన్ పేరడీ కూడా ఆ విధంగా కలెక్షన్లు సాధించింది.

AS