దేవుడా! షీనాబోరా హత్యకేసులో మరో కొత్త ట్విస్ట్?

Posted: 09/03/2015 12:49 PM IST

Sheena bora murder case indrani mukherjea new story mikhail bora peter mukherjea

భారతీయ కార్పొరేట్ రంగంలో సంచలనం సృష్టించిన షీనాబోరా హత్యకేసు రోజుకో మలుపు తిరుగుతోంది. ఈ కేసులో ప్రధాన నిందితురాలైన ఇంద్రాణి ముఖర్జియా కొత్త కొత్త కథలను తెరమీదకు తీసుకొచ్చి.. పోలీసులను ముచ్చెమటలు పట్టించడంతోపాటు దేశాన్నే ఆశ్చర్యంలో ముంచెత్తుతోంది. ఇప్పటికే ఇంద్రాణి.. షీనాబోరా అసలు చావలేదని, ఆమె అమెరికాలో వుంటోందని, తనమీద అసహ్యంతోనే తాను తిరిగి ఇండియాకు రావడం లేదంటూ వ్యాఖ్యలు చేసి కేసును పక్కదారి పట్టించేందుకు కొత్త కథను అల్లింది. ఇప్పుడు మరో కట్టుకథతో ఆమె వార్తల్లోకి నిలిచింది.

తన కుమారుడిగా లోకానికి పరిచయమైన మిఖాయిల్ అసలు తన కొడుకే కాదని ఇంద్రాణి వెల్లడించినట్లు వార్తలు వెలువడ్డాయి. తాను అతనిని దత్తతు తీసుకున్నానని ఆమె చెప్పిందట. తనను కలిసిన న్యాయవాదికి ఇంద్రాణి ఈ విషయాన్ని వెల్లడించినట్లు ‘టుడే’ న్యూస్ చానల ప్రత్యేక కథనాన్ని ప్రసారం చేసింది. ఇప్పుడిదే హాట్ టాపిక్ గా మారింది. కాగా.. మిఖాయిల్ చాలా సందర్భాల్లో తాను ఇంద్రాణి కుమారుడినేనని వెల్లడించిన విషయం తెలిసిందే. మరోవైపు.. ఇంద్రాణి యుక్తవయస్సు (టీనేజ్)లో వున్నప్పుడు ఆమెతో సహజీవనం చేసిన సిద్ధార్థ దాస్... షీనా, మిఖాయిల్ ఇద్దరూ తనకు, ఇంద్రాణికి పుట్టిన బిడ్డలుగా వెల్లడించారు. ఇలా ఒక్కొక్కరు ఒక్కొక్క అభిప్రాయం వెల్లడిస్తున్న నేపథ్యంలో పోలీసులు ఓ నిర్ణయం తీసుకున్నారు. డీఎన్ఏ రిపోర్టు ద్వారా ఎవరు ఎవరికి పుట్టారన్న విషయం తేలిపోతుందని వారు వ్యాఖ్యానించారు.

ఇదిలావుండగా.. నిన్నటివరకు లగ్జరీ లైఫ్ ని అనుభవించిన ఇంద్రాణి.. ఇప్పుడు జైల్లో మగ్గుతోంది. ప్రస్తుతం ముంబై జైల్లో వున్న ఆమెను అధికారులు సాధారణ ఖైదీగానే పరిగణిస్తూ.. పడుకోవడానికి ఒక చాప మాత్రమే ఇచ్చారు. గదిలో ఫ్యాన్ కూడా లేదు. పైగా.. ఒక్క కిటికీ మాత్రమే వుంది. ఇక భోజనంలో ఉదయం అల్పాహారంగా వడాపావ్, టీలు ఇస్తున్నారు. ఇంత దుర్భరమైన జీవితాన్ని గడుపుతున్నందుకే ఈమె కాస్త పిచ్చిదైందని, అందుకే రోజుకో కథ సృష్టిస్తోందని పుకార్లు సంచరిస్తున్నాయి. కాగా.. ఇంద్రాణి భర్త పీటర్ ముఖర్జియా సమక్షంలో ఆమెతోపాటు ఇతర నిందితులను కూర్చోబెట్టిన పోలీసులు కేసును మరింత లోతుగా విచారిస్తున్నట్లు తెలుస్తోంది.

AS