అన్యాయం జరిగినప్పుడు ప్రశ్నించేందుకు తాను ఎల్లప్పుడూ ముందుంటానని ప్రకటించిన జనసేనాధిపతి, పవర్ స్టార్ పవన్ కల్యాణ్ ఓ విషయంలో వెనకడుగు వేశారు. తమిళనాడులో ప్రవేశపెట్టిన ‘నిర్బంధ తమిళ భాషా చట్టం’ ఆ రాష్ట్రంలో వున్న ఇతర మైనార్టీ భాషలైన తెలుగు, కన్నడ, ఉర్దూ, మలయాళం విద్యాభ్యాసానికి విద్యార్థులు దూరమవ్వాల్సి వస్తుంది. దీనిపై గతంలో ఆయా భాషావర్గాలు ఆందోళన వ్యక్తం చేస్తున్నాయి. ఈ నేపథ్యంలోనే తెలుగు భాష పరిరక్షణ కోసం పవన్ ఉద్యమం చేపట్టనున్నట్టు వార్తలు వచ్చాయి. సెప్టెంబర్ నెలాఖరులోనే పవన్ దీక్ష చేపట్టనున్నారని, అందుకు సంబంధించిన వ్యవహారాలను ఆయన అభిమానులు, తెలుగు భాషాభిమానులు సన్నాహాలు కూడా మొదలుపెట్టారని ఆమధ్య ప్రచారం జరిగింది. కానీ.. ఆ తర్వాత దాని ఊసే లేదు. దీంతో ఆ ఉద్యమంపై పవన్ ఎందుకు వెనక్కి తగ్గారంటూ ప్రశ్నలు వెల్లువెత్తుతున్నాయి.
ఈ విషయంపై తాజాగా దర్శకనిర్మాత తమ్మారెడ్డి భరద్వాజ మాట్లాడుతూ.. తెలుగు భాషా పరిరక్షణ కోసం తమిళనాడులో ఉద్యమం చేపడుతానని పేర్కొన్న పవన్.. ఎందుకు వెనక్కి తగ్గారో తెలియడం లేదన్నారు. ఆయన గనుక ఆ ఉద్యమంలో పాల్గొంటే చైతన్యం వస్తుందని పేర్కొన్నారు. హైదరాబాద్ లో ఏర్పాటు చేసిన తమిళనాడు యువశక్తి సమావేశంలో తమ్మారెడ్డి, రచయిత పరుచూరి గోపాలకృష్ణ, సీపీఐ నారాయణ పాల్గొన్నారు. ఈ సందర్భంగా తమ్మారెడ్డి భరద్వాజా మాట్లాడుతూ.. పై విధంగా స్పందించారు. ఇక ఈ నేపథ్యాన్ని పురస్కరించుకుని నారాయణ మాట్లాడుతూ.. తమిళనాడులో తెలుగు బోధనను కొనసాగించకపోతే రక్తాక్షరాలతో ఉద్యమం చేపడతామని చెప్పారు. అలాగే తమిళనాడులో తెలుగు బోధనను కొనసాగించాలని ఉత్తరాల ఉద్యమం చేయబోతున్నట్టు తెలిపారు. తెలుగు రాష్ట్రాల సీఎంలిద్దరూ తమిళనాడు ప్రభుత్వంతో మాట్లాడి తెలుగు బోధన కొనసాగేలా చూడాలని కోరారు.
ఇదిలావుండగా.. పవన్ ఆ ఉద్యమం చేపడతానని స్వయంగా పేర్కొన్న దాఖలాలైతే లేవు కానీ.. అలా చేపట్టకపోవడంపై తెలుగు భాషాభిమానులు కాస్త నిరాశకు గురైనట్టు తెలుస్తోంది. ఆయన ఆ ఉద్యమంలో పాల్గొంటే ప్రజల్లో చైతన్యం రావడమే కాకుండా రాజకీయ పార్టీలు సైతం ఆ దిశగా అడుగులు వేస్తారని, దీంతో తెలుగు భాషను పరిరక్షణకు ఆస్కారం వుంటుందని అంటున్నారు. మరి.. దీనిపై పవన్ ఎలా స్పందిస్తారో వేచి చూడాల్సిందే!
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
