అతిథులకు స్వాగతం పలికిన వ్యాఖ్యాతలు.. అదరగోట్టిన శివమణి

Posted: 10/22/2015 11:37 AM IST

నవ్యాంధ్రప్రదేశ్ రాజధాని అమరావతి శంకుస్థాపన మహోత్సవానికి విచ్చేసిన ప్రముఖులకు, అతిథులందరికీ వ్యాఖ్యాతలు హార్థిక స్వాగతం పలికారు. విజయదశమి పర్వదినాన.. విజాయాలను కూడగట్టుకునేలా నవశకం రాజధానిలా ప్రపంచ గుర్తింపును పోందాలంటూ అంగరంగ వైభవంగా కొనసాగుతున్న ఈ కార్యక్రమానికి వ్యాఖ్యాతలుగా వ్యవహరిస్తున్న సినీనటుడు సాయికుమార్, గాయని సునీత అకాంక్షించారు. తెలుగు స్ఫూర్తికి ప్రతిబింబంగా నిలుస్తూ...ప్రపంచ నగరాలకే తలమానికంగా అమరావతి నగరాన్ని నిర్మించనున్నట్లు వారు పేర్కొన్నారు.

అమరావతి కార్యక్రమాలు గణపతి హోమంతో ఆ తరువాత పూజా కార్యక్రమాలు ప్రారంభమయ్యాయి. మరోవైపు కళాకారులు తమ నృత్యాలతో, సాంస్కృతిక కార్యక్రమాలతో అతిథులను అలరిస్తున్నారు. ప్రముఖ సంగీత వాయిద్యకారుడు శివమణి ప్రత్యేక ఆకర్షణగా నిలిచారు. కార్యక్రమంలో శివమణి డ్రమ్స్ ప్రదర్శన ప్రజలను విశేషంగా అలరించింది. శివమణి డ్రమ్స్ వాయిస్తున్నంత సేపు అక్కడున్న పలువురు అతిధులు ఆయన వాయిద్యానికి అనుగూణంగా నృత్యాలను కూడా చేయడం కనిపించింది. అమరావతి జయహో అంటూ శివమణి నినదించారు.

జి. మనోహర్