పాకిస్థాన్ మాజీ క్రికెటర్, రాజకీయవేత్త ఇమ్రాన్ ఖాన్ ఇటీవల తన రెండో భార్య రేహమ్ ఖాన్ (టీవీ జర్నలిస్ట్)కు విడాకులు ఇచ్చిన విషయం తెలిసిందే. అనుకోకుండా ఏర్పడిన వీరి పరిచయం ప్రేమగా మారి, పెళ్ళిదాకా వచ్చింది. కానీ.. ఇంతలోనే ఏమైందో ఏమో తెలీదు కానీ.. వీరి ప్రేమపెళ్ళి మూన్నాళ్ళ ముచ్చటగానే ముసిగింది. విడాకులు కూడా తీసుకున్నట్లు ఇద్దరూ తమ ట్విటర్ ఖాతాల ద్వారా అధికారికంగా వెల్లడించారు. ఈ విడాకుల విషయంపై ఇన్నాళ్లూ మౌనంగానే వున్న రేహమ్ ఖాన్.. ఇప్పుడు ఇమ్రాన్ పై తీవ్ర వ్యాఖ్యలు చేసింది. ఇమ్రాన్ ప్రవర్తన సరిగ్గా లేకపోవడం వల్లే తాను అతనితో విడాకులు తీసుకున్నట్లుగా ఆమె వెల్లడించింది. అంతేకాదు.. అతని లక్షణాల వల్ల తాను అనుభవించిన బాధల్ని ఆమె వివరించింది.
తాను బయట కనబడరాదంటూ ఇమ్రాన్ ఆర్డర్ వేసేవాడని, వంటింట్లోనే వుంటూ చపాతీలు చేయాలని చెప్పేవాడని రేహమ్ అతనిపై మండిపడింది. రోజుకు కేవలం ఒక్క చపాతీ మాత్రమే తినేవాడని చెప్పింది. ఎంతసేపు తనన వంటింటి కుందేలుగానే చేయాలని ఇమ్రాన్ చూశాడని ఆరోపించిన రేహమ్... రాజకీయాల్లోకి రావాలన్న తన కోరికను కూడా అతగాడు చంపేశాడని ఆవేదన వ్యక్తం చేసింది. అతనితో సంతోషంగా జీవితం కొనసాగించేందుకు ఎన్నిరకాలుగా తనని తాను మార్చుకున్నప్పటికీ ఫలితం లేకపోయిందని వాపోయింది. ఇంట్లో తాను గలగలా మాట్లాడుతుంటే, ఇమ్రాన్ మాత్రం ఒక్క మాట కూడా మాట్లాడకుండా చాలా సైలెంట్ గా ఉండేవాడని రేహమ్ ఖాన్ విమర్శించింది. ఇంట్లోని కర్టెన్ల రంగు గురించి కూడా ఆయనతో మాట్లాడరాదని... కేవలం రాజకీయాల గురించి మాత్రమే నిత్యం చర్చిస్తూ వుండాలని చెప్పింది. అంతెందుకు.. బాలీవుడ్ సినిమాల గురించి మాట్లాడటం కూడా ఆయనకు ఇష్టం ఉండదని.. ఆ ప్రస్తావన తీసుకొచ్చినప్పుడల్లా విసుక్కొని పక్కకు వెళ్లిపోయేవాడని తెలిపింది.
ఇమ్రాన్ ను మార్చాలని తాను ఎంతగానో ప్రయత్నించానని, అయినా కాలేదని రేహమ్ తెలిపింది. తాను అబద్ధం చెప్పదలుచుకోలేదని.. తాను గృహ హింసకు గురయ్యానని స్పష్టం చేసింది. ఏనాడూ తనతో సఖ్యతగా వ్యవహరించలేదని, ప్రతి చిన్న విషయంపై తన మీద అలిగేవాడని ఆమె పేర్కొంది. నా గతం గురించి ఇమ్రాన్ కు తెలిసినప్పటికీ... ఎప్పుడూ దాని గురించే ఆలోచించేవాడని విమర్శించింది. బీబీసీలో జర్నలిస్టుగా పనిచేసిన రేహమ్ కు గతంలోనే పెళ్లయి ముగ్గురు పిల్లలు కూడా ఉన్నారు. ఇదిలావుండగా.. రేహమ్ చేసిన వ్యాఖ్యలపై ఇమ్రాన్ ఖాన్ ను మీడియా ప్రశ్నించగా... ఆయన స్పందించలేదు.
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
