https://teluguwishesh.com./
t9 news channel ceo mallareddy along with three members arrest in cheating case | t9 news channel ceo cheating case | cheating cases
ఎంతటి ఉన్నత స్థానంలో వుంటేనేం.. డబ్బుపిచ్చి మనిషిని ఏ స్థాయికైనా దిగజార్చుతుందనే అనే మాటకు నిదర్శనంగా ఓ చీటింగ్ కేసు వెలుగుచూసింది. అప్పటికే ఓ న్యూస్ ఛానల్ సీఈవోగా వున్న ఓ వ్యక్తి మరింత డబ్బులకు ఆశపడి ఉద్యోగాల పేరిట నిరుద్యోగులకు టోకరా వేయడం ప్రారంభించాడు. ఇతనితోపాటు మరో నలుగురు కూడా కలిసి.. ఉద్యోగాల దందా చేయడం ప్రారంభించారు. ప్రముఖ కంపెనీల్లో ఉన్నతస్థానాల్లో ఉద్యోగాలు కల్పిస్తామంటూ నిరుద్యోగులకు ఆ ముఠా మాయమాటలు చెప్పి.. లక్షల్లో డబ్బులు దోచుకుంది. చివరికి తాము మోసపోయామన్న విషయాన్ని గ్రహించిన బాధితులు.. పోలీసులకు ఫిర్యాదు చేయడంతో ఆ ముఠా బండారం బయటపడింది. మోసాలకు పాల్పడుతున్న ఆ ఘరానా ముఠాను టాస్క్ ఫోర్స్, సీసీఎస్ పోలీసుల సంయుక్త బృందం అదుపులోకి తీసుకుంది.
తార్నాకకు చెందిన 'టీ9' న్యూస్ ఛానల్ సీఈవో కె.మల్లలన్న అలియాస్ మల్లారెడ్డి, అబిడ్స్ లోని ఓ కాలేజీలో ల్యాబ్ అసిస్టెంట్ టా పనిచేస్తున్న టి.రమేష్, సితాఫల్ మండికి చెందిన నిరుద్యోగి బి.నగేష్ బాబు, సచివాలయ ఉద్యోగి డి.వెంకటేశ్వరరావు... నలుగురూ కలిసి ఓ ముఠాగా ఏర్పడ్డారు. డబ్బులను తమ ఖాతాలో జమ చేసుకోవడానికి నిరుద్యోగులను టార్గెట్ చేశారు. ఈ నేపథ్యంలో వీరు జెన్ కోలో ఉద్యోగాలు ఇప్పిస్తామంటూ వేణు, మహేష్ లను నమ్మించారు. ఇందుకోసం రూ.10 లక్షలు అవుతుందని చెప్పి, అడ్వాన్స్ గా రూ.2.5 లక్షలు తీసుకున్నారు. అంతేకాదు.. జెన్ కోలో ఏఈ పోస్టుల పేరుతో మరికొందరి నుంచి రూ.5 లక్షలు వసూలు చేసినట్లు తెలుస్తోంది. కొన్నాళ్లయిన తర్వాత తమ ఉద్యోగాల పరిస్థితి ఏంటని డబ్బులు సమర్పించుకున్న బాధితులు ఆ ముఠాను సంప్రదించగా.. అదిగో అప్పుడు, ఇదిగో ఇప్పుడంటూ దాటవేస్తూ వచ్చారు. చివరకు తాము మోసపోయామని గ్రహించిన బాధితులు.. వెంటనే పోలీసులకు సమాచారం అందించారు. కేసు నమోదు చేసిన పోలీసులు వెంటనే రంగంలోకి దిగి మంగళవారం ఆ నలుగురు నిందితులను అదుపులోకి తీసుకున్నట్లు సీసీఎస్ సంయుక్త పోలీసు కమిషనర్ టి.ప్రభాక ర్ రావు తెలిపారు.
ఆ ముఠాని అదుపులోకి తీసుకుని విచారించిన పోలీసులకు వారు గతంలో చేసిన మరిన్ని మోసాలు వెలుగులోకి వచ్చాయి. ఈ ముఠా 2010లోనూ రైల్వేలో గ్రూప్-డి పోస్టులు ఇప్పిస్తామంటూ 10 మంది నుంచి రూ.10 లక్షలు వరకు వసూలు చేసినట్లు తెలిసింది. అయితే.. ఆ మొత్తాన్ని నారయణగౌడ్ అనే వ్యక్తికి ఆ ముఠా ఇవ్వగా.. ఆ డబ్బుతో అతడు పరారైనట్లు విచారణలో వెల్లడించారు. అదనపు డీసీపీ విజయేందర్ రెడ్డి పర్యవేక్షణలో ఈ నిందితుల్ని అరెస్టు చేసిన సీసీఎస్ ఇన్ స్పెక్టర్ పి.విక్రమ్ దేవ్.. ఆ ముఠా నుంచి సుమారు రూ.2.68 లక్షలు స్వాధీనం చేసుకున్నట్లు వివరించారు.
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
