ITEMVIDEOS: మాయాలేదు..మర్మం లేదు.. గాలిలో లేచిన కార్లు..

Posted: 12/01/2015 12:56 PM IST

ఛూ మంతర్ కాళీ.. ఇది జంతర మంతర మోళీ.. మాయా లేదు, మంత్రం లేదు.. యంత్రం లేదు, తంత్రం లేదు మొసం గీసం మొదలే లేదు.. మస్క గొట్టె సిట్కా ఏదో బయటెట్టేస్తే.. సరదా బోదూ... అంూ మాయలోడు చిత్రం లో హీరో రాజేంద్రప్రసాద్ పాడిన పాట. అయితే అక్కడ ఏ మాయలోడు లేడు. అయినా సరే మాయ జరిగింది. ఇంకా చెప్పాలంటే.. పాత తరం సినిమాల్లో మంత్రగాడు లేడు, మాయాల ఫకీరు కూడా లేడు. అయినా మాయ జరిగింది. అది ఎలా అన్నది అర్ధం కాక ఆ విచిత్రాన్ని చూసిన పలువురు ఇప్పటికీ అశ్చర్యంలో మునిగితేలుతున్నారు.

ఆ విచిత్రం ఏమిటనేగా మీ సందేహం.. ఉన్నట్టుండి నేలపై నడుస్తున్న కార్లు గాల్లోకి ఎగిరాయి. నమ్మశక్యంగా లేదా..? కానీ ఇది నిజం. చైనాలోని ఓ పట్టణంలో రహదారిపై వాహనాలు ఉన్నట్లుండి గాల్లో తేలాయి. మూడు వాహనాలు చుట్టుపక్కలవారిని ఆశ్చర్యానికి గురిచేస్తూ వాటంతటవే పడిపోయాయి. అదినూ నిత్యం రద్దీగా వుండే రహధారిపై. వివరాల్లోకి వెళితే అది చైనాలోని బిజీగా ఉండే జింటాయి ప్రాంతంలో. అక్కడి రహదారి ఎప్పుడూ తీరిక లేకుండా రద్దీగా ఉంటుంది. గతవారం ఓ సీసీటీవీ కెమెరాలో రికార్డయిన ఓ దృశ్యం సంబ్రమాశ్చర్యాలకు గురిచేస్తోంది.

వేగంగా వచ్చిన వాహనం ఒకటి సరిగ్గా సిగ్నల్ను సమీపిస్తుండగానే ఉన్నట్లుండి అకస్మాత్తుగా గాల్లోకి లేచి పక్కనే ఉన్న వాహనం పై పడిపోయింది. ఆ వాహనం కూడా గాల్లోకి లేచి కిందపడగా.. దాని పక్కనుంచి వెళుతున్న వాహనం కూడా ఎవరో పైకి ఎత్తే క్రమంలో అటుఇటు కుదిపేసినట్లుగా రోడ్డుపై కదులుతూ ఆగిపోయింది. అదృష్టవశాత్తు ఆ వాహానాల్లోని వ్యక్తులు స్వల్ప గాయాలతో బయటపడ్డారు. అయితే, అదృశ్య శక్తుల వల్ల ఆ వాహనాలు గాల్లోకి లేవలేదని, ఒక సన్నటి వైరు వాటికి అనుకోకుండా తగులుకోని ఆ ప్రమాదం జరిగిందని పోలీసులు చెప్పారు. మరెందుకు అలస్యం ఈ వీడియోను మీరు చూసేయండీ..

జి. మనోహర్