స్నేక్ గ్యాంగ్ ను దోషులుగా తేల్చిన కోర్టు

Posted: 05/10/2016 02:05 PM IST

పలు అఘాయిత్యాలకు పాల్పడిన ఫజల్ దయాని నేతృత్వంలోని స్నేక్ గ్యాంగ్ కేసుపై రంగారెడ్డి జిల్లా కోర్టు మంగళవారం తుది తీర్పును వెల్లడించింది. తొమ్మిది మంది నిందితులలో 8 మందిని కోర్టు దోషులుగా నిర్దారించింది. ఎనిమిది మందికి బుధవారం కోర్టు శిక్ష ఖరారు చేయనుంది. కాగా, 2014 జూలై నెలలో నగర శివారు ప్రాంతంలోని పహాడీషరీప్‌లో పాముతో బెదిరించి ఓ యువతిపై స్నేక్ గ్యాంగ్ సామూహిక అత్యాచారం చేసింది. బాధిత యువతి ఈ సంఘటనపై పోలీసులకు ఫిర్యాదు చేసింది. కేసును విచారించిన పోలీసులు ఈ కేసులో తొమ్మిది మంది నిందితులను అరెస్టు చేశారు.

ఈ కేసులో నిందితులు దయాని, ఖాదర్ బరాక్బ, తయ్యబ్ బసలమ, మహమ్మద్ పర్వేజ్, సయద్ అన్వర్, ఖజా అహ్మద్, మహమ్మద్ ఇబ్రహీం, అలీ బరాక్బ, సలామ్ హాండిలపై కోర్టు అభియోగ పత్రాలను పోలీసులు దాఖలు చేశారు. ప్రస్తుతం ఇందులో ఐదుగురు పిడియాక్టుపై జైలులో ఉండగా, మరో నలుగురు బెయిల్‌పై విడుదలయ్యారు. పాములతో బెదిరించి 37 మందిపై అకృత్యాలకు పాల్పడిన ఈ స్నేక్‌గ్యాంగ్ కేసును విచారించిన రంగారెడ్డి జిల్లా కోర్టు మంగళవారం తీర్పును వెల్లడించింది.