ITEMVIDEOS: పెళ్లి కోసం ఫోటోలకు ఫోజులివ్వబోతే..

Posted: 07/28/2016 08:06 AM IST

పెళ్లైన తరువాత వేదికల పైన వివిధ స్టిల్స్ లో వదువరులను ఫోటోలకు ఫోజులివ్వమని మన వివాహాల్లో ఫోటోగ్రాఫర్లు కోరుతుండటం పరిపాటి. అయితే కొన్ని దేశాలలో పెళ్లికి ముందే కాబోయే వధువరులను ఓ ప్రత్యేక ప్రాంతానికి తీసుకెళ్లి అక్కడ వారి స్టాయికి తగ్గట్లుగా ఫోటోగ్రాఫర్లను ఏర్పాటు చేసుకుని ఫోటలో దిగుతుంటారు. అయితే ఇలాంటి ఓ వెడ్డింగ్ షూట్ లో ఒకింత ఆవకాశం కలసివచ్చిందనుకున్న వదువును ఫోటో తీశాడు ఫోటోగ్రాఫర్. అయితే ఆయన అల్లంత దూరాన వుండటం కారణంగా అవకాశం అనుకున్నది కాస్తా ప్రాణాపాయంగా మారింది. ఏకంగా వదువు ప్రాణాలమీదకు తెచ్చింది.

ఐస్ లాండ్ లో చోటుచేసుకుంది. చైనాకు చెందిన ఓ కొత్త జంట పెళ్లిఫొటోలు తీయాల్సిందిగా ప్రపంచంలో బెస్ట్ వెడ్డింగ్ ఫొటోగ్రాఫర్లలో ఒకరైన సీఎం లెంగ్ ను కోరారు. ఆమేరకు అందరూ కలిసి ఐస్ లాండ్ కు వెళ్లారు. వివిధ పర్యాటక ప్రాంతాలు, రమణీయ ప్రదేశాల్లో వధూవరులను వివిధ భంగిమల్లో ఫొటోలు తీశాడు లెంగ్. ఆఖర్లో ఓ నదీతీరంలో జరిగిన ఫొటోషూట్ మాత్రం ప్రమాదకరంగా మారింది. నదీ తీరంలో హెలికాప్టర్ బ్యాగ్రౌండ్ లో ఫొటో తీయాలనుకున్న లెంగ్.. ఐర్లాండిక్ కోస్టల్ గార్డ్ హెలికాప్టర్ ఒకదానిని అద్దెకు తీసుకున్నాడు.

పాల నురగలాంటి పెళ్లి దుస్తుల్లో వెయిల్ పట్టుకుని నిల్చున్న పెళ్లి కూతురుపై నుంచి హెలికాప్టర్ వెళుతుండగా ఫొటోలు చిత్రీకరించాల్సిఉంది. అయితే హెలికాప్టర్ సరాసరి తలపైకి వచ్చేసరికి..  రెక్కల గాలి ఉధృతికి వధువు చిగురుటాకులా వణికి, కిందపడబోయింది. ఆమె ధరించిన వెయిల్ అమాంతం ఎగిరి హెలికాప్టర్ రెక్కల్లో ఇరుక్కుంది. పైలట్ చాకచక్యంగా వ్యవహరించడంతో ఘోరప్రమాదం తప్పినట్లైంది. ముఖాన దుమ్ము, చెరిగిన జుట్టుతో  ఆ పెళ్లికూతురికి ఏడుపొక్కటే తక్కువ! ఇంతటి ప్రమాదకర స్థితిలోనూ అద్భుతమైన ఫొటోలు తీసీ కొత్తజంట కోపాన్ని సంతోషంగా మార్చేశాడు ఫొటోగ్రాఫర్ సీఎం లెంగ్.