నమ్మలేని నిజం: తల్లే.. కూతుళ్ల నగ్నచిత్రాలను విక్రయించింది..!

Posted: 08/12/2016 12:58 PM IST

Mother charged with sexually assaulting her own children

కనురెప్పే కంటిపాపను కాటువేసింది. జీవితాలను బుగ్గి చేసిందన్న వార్తలు మనం అప్పుడప్పుడు వింటున్నాం. అయితే ఎంత కాదన్న నవమాసాలు మోసి కన్న మాతృమూర్తి మాత్రం ఎంతకైన తెగించి తమ బిడ్డలను కాపాడుకుంటుందన్నది జగమెరిగిన సత్యం. కానీ ఈ సత్యాన్ని కూడా భ్రష్టుపట్టిస్తూ ఓ కన్నతల్లి మాతృత్యానికే, అమ్మతనానికే కళంకం తీసుకువచ్చింది. తన సుఖాల కోసం, సరదాల కోసం. మరోలా చెప్పాలంటే ఈజీ మనీ వేటలో తానేం చేస్తున్నానో కూడా మరచిన తల్లి.. మహిళా లోకం అందులోనూ మాతృమూర్తులు సిగ్గుతో తలదించుకునే చర్యలకు పాల్పడింది.

ఈజీ మనీ సంపాదనకు మొగ్గుచేపిన ఓ తల్లి.. కంటికి రెప్పలా కాపాడాల్సిన కూతుళ్లను లైంగికంగా వేధించింది. ఆపై కూతుళ్ల నగ్న చిత్రాలను విక్రయించింది. సభ్య సమాజానికి మాయని మచ్చలా మారిన ఈ ఘటన కెనడాలోని నయాగర ప్రాంతంలో చోటుచేసుకుంది. డబ్బు సంపాదనకుగాను అశ్లీల చిత్రాన్నినిర్మించడానికి ఓ తల్లి తన నాలుగేళ్ల చిన్నారితోపాటు పద్దెనిమిదేళ్ల వయస్సున్న తన పెద్ద కుమార్తెను కూడా లైంగికంగా వేధించింది.

కెనడా దేశంలోని ఒట్టావా నగరానికి చెందిన 33 ఏళ్ల ఓ తల్లి తన కూతుళ్లను లైంగికంగా వేధించడమే కాకుండా తన పెద్ద కూతురితో వ్యభిచారం చేయించిందని నయాగరా ప్రాంతీయ పోలీసులు చెప్పారు. తల్లి చేతిలో లైంగిక వేధింపులకు గురైన కూతుళ్ల వయసు 4,18 సంవత్సరాలని పోలీసు కానిస్టేబుల్ ఫిలిప్ గేవిన్ వెల్లడించారు. డబ్బు కోసం కూతుళ్ల లైంగిక చిత్రాలను సదరు మహిళ విక్రయించిందని కెనడా పోలీసులు పేర్కొన్నారు. పోలీసులకు ఆరుగురు అమ్మాయిల నగ్న చిత్రాలు లభించాయి. ఈ కేసులో మరో ఐదుగురు పురుషులు కూడా నిందితులని పోలీసులు వివరించారు.