ITEMVIDEOS:భర్తలపై కన్నేసినందుకు యువతిని ఏం చేశారంటే...

Posted: 09/01/2016 04:35 PM IST

వేరే అమ్మాయిల వంక కన్నెత్తి చూస్తే చాలూ మొగుళ్లని కూడా చూడకుండా, శివాలెత్తి పిచ్చి కొట్టుడు కొట్టిన భార్యల ఉదంతాలు చూశాం. తమ భర్తతో సంబంధం పెట్టుకున్న మహిళలను నగ్నంగా రోడ్ల మీదకీడ్చి చెడా మడా వాయించిన సీన్లు ఈ మధ్య బాగానే దర్శనమిచ్చాయి. కానీ, తమ భర్తలను జస్ట్ చూస్తోందంటూ ఓ మహిళపై ఇద్దరు భార్యలు బట్టలు చినిగేలా పిచ్చికొట్టుడు కొట్టిన వీడియో ఇప్పుడు నెట్ లో వైరల్ గా మారింది.

వివరాల్లోకి వెళ్లితే... బీజింగ్ లో ఓ రెస్టారెంట్ లో రెండు జంటలు భోజనానికి వచ్చాయి. అక్కడే ఉన్న మరో యువతి వారి భర్తలను తదేకంగా చూస్తుందని ఆరోపిస్తూ కోపంతో ఊగిపోయారు. అంతే ఏం కావాలే? అంటూ బూతులు తిడుతూ ఆ ఇద్దరు యువతిపై పడిపోయారు. కింద పడేసి చెడా మడా కొట్టేశారు. ఓ మహిళ తన చేతిలో ఉన్న హ్యాండ్ బ్యాగ్ తో ముఖం మీదే కొడుతుండగా, ఇంకోకామె తన కాళ్లకున్న హైహీల్స్ తో కడుపులో తన్నడం ప్రారంభించసాగింది. దుస్తులు చినిగిపోతున్నా, ఏడుస్తూ తానే తప్పు చేయలేదని వేడుకుంటున్నా కనికరించకుండా నిర్ధాక్షిణ్యంగా ఆ పెళ్లాలు చితకబాదారు.

ఇంత జరుగుతున్నా ఆ మహిళలను అడ్డుకునేందుకు ఎవరూ ప్రయత్నించకపోవటం విశేషం. ఆ భర్తలు కూడా పక్కనే ఉండి ఆ తతంగం చూస్తూ ఉండిపోయారు. ఇంకోందరు వీడియోలు తీసుకున్నారు. చాలా సేపు నుంచి ఓపిక పట్టిన ఓ వ్యక్తి అడ్డుకునేందుకు ప్రయత్నించగా అతని గూబ కూడా ఆ ఇద్దరు మహిళలు గుయ్యిమనిపించారు. దీంతో అంతా వెనకడుగు వేశారు. వెరసి పదిహేను నిమిషాల పాటు ఇలా జరిగిన తర్వాత అలసిపోయిన ఆ మహిళలు ఆ యువతిని క్షమించి అక్కడి నుంచి వెళ్లిపోయారు.