ఏలియన్స్ కి కండోమ్ లు సప్లై చేయాల్సిందేనంట!

Posted: 10/07/2016 03:49 PM IST

నాసాకి ఓ కొత్త విజ్నప్తి వచ్చింది. ఏలియన్స్ కి మనిషి గొప్పతనం, మానవత్వం తెలియాలంటే కండోమ్ లాంటి గొప్ప వస్తువును అంతరిక్షంలోకి పంపాల్సిందేనని దాని సారాంశం. స్వీడన్ కి చెందిన ఆర్ ఎఫ్ఎస్ యూ అనే ఓ సెక్సువల్ ఎడ్యుకేషన్ సంస్థ ఓ ప్రమోషనల్ వీడియోను రూపొందించి నాసాకు రిక్వెస్ట్ పంపింది.

డియర్ నాసా, అంతరిక్షంలోకి ఎన్నో వస్తువులను పంపుతున్నారు. అలాంటప్పుడు భూమ్మీద జరిగే ప్రతీ విషయాన్ని అక్కడికీ తీసుకెళ్లాల్సిన అవసరం ఉంది. మరి ఆ చిన్న ఆకుపచ్చ జీవులకు(ఏలియన్స్) కు అతి ముఖ్యమైన కండోమ్ గురించి కూడా చెప్పాల్సిన అవసరం ఉంది కదా అంటూ అందులో పేర్కొంది. ఒకవేళ వాళ్లు గనుక ఈ కండోమ్ గురించి తెలుసుకోవాలన్న ఉద్దేశ్యంతో మనల్ని కమ్యూనికేషన్ అయ్యే అవకాశం ఉండొచ్చు. ఆ రోజున(వీడియో రిలీజ్ చేసిన తేదీ సెప్టెంబర్ 26న) ప్రత్యేక దినంగా జరుపుకుందాం అంటూ అందులో పేర్కొంది.

అయితే దీనివెనుక ఉన్న అసలు ఉద్దేశం ఏంటో ఆ తర్వాత వివరించింది. అంతరిక్షంలోకి కండోమ్ వెళ్లితే దాని గురించి చర్చలు జరుగుతాయి. ఆ లెక్కన దాని గొప్పతనాన్ని ప్రజలకు తెలియజేసేందుకే ఈ ప్రతిపాదన చేసిందిట. అవగాహనా రాహిత్యం వల్ల కండోమ్ గొప్పతనాన్ని ప్రజలు గ్రహించలేకపోతున్నారని, తద్వారా సమస్యలు కొనితెచ్చుకుంటున్నారని సదరు సంస్థ అభిప్రాయపడింది. సేఫ్ సెక్స్ పై అవగాహన లేకపోవటంతో సాలినా మూడు లక్షలకు పైగా చనిపోతున్నారని ఆ సంస్థ లెక్కలు చెబుతోంది.