ITEMVIDEOS:ఆ పెళ్లి కొడుకు వెరీ వెరీ లక్కీ

Posted: 07/13/2017 11:09 AM IST

అదృష్టం అడ్డం తిరిగి దురదృష్టం వెంటాడినా అశ్వం అడ్డం తిరగకపోవటంతో అతని ప్రాణాలు నిలిచాయి. సంబరంగా జరుగుతున్న పెళ్లి వేడుకలో అపశృతి దొర్లటంతో బంధువులంతా ఆందోళనకు గురికాగా, చివరకు కథ సుఖాంతమైంది.

ఉత్తర ప్రదేశ్ లోని గొండాలో ఓ పెళ్లి కొడుకును గుర్రంపై మండపానికి ఊరేగింపుగా తీసుకెళ్లారు. శబ్ధాలకు భయపడ్డ గుర్రం ఒక్కసారిగా అదుపు తప్పి పక్కనే ఉన్న బావిలోకి దూసుకెళ్లింది. దీంతో, పెళ్లికొడుకుకు ఏమవుతుందోనని అందరూ ఆందోళన చెందారు. సాయం కోసం అధికారులకు సమాచారం అందించారు.

వెంటనే రంగంలోకి దిగిన రెస్క్యూ సిబ్బంది జేసీబీ సహాయంతో పెళ్లికొడుకును, గుర్రాన్ని బయటకు తీశారు. బావి లోతు ఎక్కువగా లేకపోవటం, గుర్రం ఓ పక్కగా, పెళ్లి కొడుకు మరో పక్కగా
పడిపోవటంతో ప్రమాదం తప్పిందని అధికారులు తెలిపారు. బావి నుంచి బయటకు తీసిన తర్వాత వరుడిని చికిత్స కోసం ఆసుపత్రికి తరలించారు. ప్రస్తుతం అతగాడు కొలుకుంటున్నాడని, త్వరలో మరో ముహుర్తం పెట్టుకుంటున్నట్లు బంధువులు వెల్లడించారు.

#WATCH: Rescue operation of a horse that fell into a well alongwith the bridegroom during a wedding ritual in Uttar Pradesh's Gonda(July 12) pic.twitter.com/LwxkL11f27

— ANI UP (@ANINewsUP) July 13, 2017