ఇంతకీ పవన్ కల్యాణ్ ది ఏ జాతి?

Posted: 08/02/2017 09:22 AM IST

Cbn response on mudragada letter to pawan

కాపు ఉద్యమం పేరిట చేయాలనుకున్న పాదయాత్రకు బ్రేక్ పడటం, హౌజ్ అరెస్ట్ నేపథ్యంలో ఇంటి నుంచే ప్రభుత్వంపై తీవ్ర విమర్శలను గుప్పిస్తున్నాడు ముద్రగడ పద్మనాభం. ఈ నేపథ్యంలో ఆంధ్రప్రదేశ్ ముఖ్యమంత్రి చంద్రబాబునాయుడి ఉచ్చులో చిక్కుకోవద్దంటూ జనసేనాధినేత పవన్ కళ్యాణ్ కు ఓ బహిరంగ లేఖ రాశాడు కూడా. దీనిపై మంగళవారం క్యాంపు కార్యాలయంలో జరిగిన పార్టీ సమన్వయ కమిటీ భేటీల ఆశ్చర్యం వ్యక్తం చేశాడు.

ఈ లేఖలో ముద్రగడ ’మా జాతి’ అని పేర్కొనడం పట్ల ఆయన అభ్యంతరం వ్యక్తం చేశాడని సమాచారం. కాపులను బీసీల్లో చేరుస్తామని ఇచ్చిన హామీని చంద్రబాబు నిలబెట్టుకోలేకపోయారని గుర్తు చేశారు. చంద్ర‌బాబుతో స్నేహం మంచిది కాద‌ని, టీడీపీ అధినేత‌తో స్నేహం చేసి ప‌ర‌ప‌తి పోగోట్టుకోవ‌ద్ద‌ని ముద్ర‌గ‌డ ప‌వ‌న్‌కు సూచించాడు. మంజునాథ కమిషన్‌ వేసి 18 నెలలు కావస్తున్నా... ఇంకా నివేదిక తెప్పించుకోలేదని ముంద్రగడ తెలిపాడు. చంద్ర‌బాబు మాట‌ల‌ను న‌మ్మి ఆయ‌న‌తో స్నేహం చేస్తే కాపులు క్ష‌మించ‌ర‌ని ప‌వ‌న్ గురించి ముద్ర‌గ‌డ కామెంట్ చేశాడు.

అయితే ముద్రగడ వాడిన భాష సమంజసంగా లేదని, తన కులానికి చెందిన వారిని కూడా మరిచి కామెంట్లు చేస్తున్నాడంటూ బాబు మంత్రులతో చెప్పినట్లు సమాచారం. 'పవన్ కల్యాణ్ ది ఏ జాతి?' ఆయనకు (ముద్రగడ) జాతికి చెందిన వాడేగా... అలాంటప్పుడు ఏం రాయలో అన్న అంశంపై అవగాహన కొరవడినట్లుంది అంటూ వ్యాఖ్యానించినట్లు చెబుతున్నారు. ఇక లేఖలో రాసిన భాష చూస్తే, ఆయన ఎవరి తరపున పనిచేస్తున్నారో(పరోక్షంగా వైఎస్సార్సీపీ) తెలుస్తుందని ఆయన పేర్కొన్నారు. వీటితోపాటు బెల్ట్ షాపుల మూసివేత, నిరుద్యోగ భృతి సమస్యలను కూడా ప్రస్తావనకు తెచ్చినట్లు సమాచారం.

పవన్ కాస్త ఆలోచించు...

కాపులను బీసీలలో కలపడం చట్ట విరుద్ధమని అంటున్నారు బీసీ సంఘ నేత ఆర్ కృష్ణయ్యం. ఎవర్ని పడితే వారిని బీసీల్లో చేర్చడానికి ఇదేమైనా ధర్మసత్రమా? అని ప్రశ్నిస్తున్నాడు. తాను తెలంగాణలో బీసీ సీఎం అభ్యర్థిగా పోటీ చేశానని, ఏపీ టీడీపీ మేనిఫెస్టోను వ్యతిరేకించానని అప్పటి విషయాలను కృష్ణయ్య ప్రస్తావించాడు. పేదలు అన్ని కులాల్లో ఉంటారని, పేదరికం ప్రాతిపదికన రిజర్వేషన్లు ఉండవని అన్నాడు. జనసేన పార్టీ అధినేత పవన్ కల్యాణ్ దీనిపై ఆలోచించాలని కోరాడు.