ITEMVIDEOS:ఇరాన్-ఇరాక్ సరిహద్దులో భారీ భూకంపం

Posted: 11/13/2017 08:58 AM IST

భారీ భూకంపం ఇరాన్‌-ఇరాక్‌ సరిహద్దులను అతలాకుతలం చేసింది. 140 మృతి చెందినట్లు.. వేల మంది గాయపడినట్లు అధికారులు చెబుతున్నప్పటికీ.. పరిస్థితి తీవ్రత ఆ సంఖ్య మరింత ఎక్కువగా ఉండే అవకాశం ఉన్నట్లు చూపుతోంది. భారత కాలమాన ప్రకారం సోమవారం ఉదయం భూమి తీవ్రంగా కంపించింది.

ఇరు దేశాల మధ్య ఉన్న హలాబ్జా ప్రాంతంలో భూకంపం కేంద్రం నమోదు కాగా.. రిక్చర్ స్కేలుపై 7.3 తీవ్రత చూపిస్తోంది. వందలాది ఇళ్లు, ప్రభుత్వ భవనాలు, వ్యాపార కార్యాలయాలు దెబ్బతిన్నాయి. ఒక్కసారిగా భూమి కంపించి పోవడంతో భయంతో ఇళ్లలోంచి ప్రజలు బయటకు పరుగులు తీశారు. క్షతగాత్రులను ఆసుపత్రులకు తరలించి, సహాయక చర్యలు ప్రారంభించారు. శిధిలాలకింద పలువురు చిక్కుకుపోయి ఉంటారని అంచనా వేస్తున్నారు.

భూకంపం ముప్పు పూర్తిగా తొలగిపోలేదని, ప్రకంపనలు వచ్చే అవకాశం ఉన్న నేపథ్యంలో ప్రజలు భవంతులు, లిఫ్ట్‌ లకు దూరంగా ఉండాలని ఇరాక్‌ మెట్రోలాజికల్‌ ఆర్గనైజేషస్‌ ఇరాకీ స్టేట్‌ టీవీ ద్వారా ఆదేశాలు జారీ చేసింది. ఈ భూకంపం ధాటికి పాకిస్తాన్‌, లెబనాన్‌, కువైట్‌, టర్కీలలో కూడా భూమి కంపించినట్టు సమాచారం.

 

While the center of tonight's #earthquake is reported to be #Iran Kurdistan, this is a footage from Kelar town in #Iraq Kurdistan. #ErdhejKurdistan #Kurdistan #زلزله pic.twitter.com/D7MyBqn1uh

— Herbert Maddison (@Herb_Maddison) November 12, 2017