గుజరాత్ సీఎంగా విజయ్ రూపాని ప్రమాణం.. మరో పర్యాయం..

Posted: 12/26/2017 02:30 PM IST

Vijay rupani takes oath as gujarat chief minister in massive bjp show of strength

గుజరాత్ ముఖ్యమంత్రిగా రెండో పర్యాయం విజయ్ రూపానీ ఇవాళ ప్రమాణస్వీకారం చేశారు. దీంతో వరుసగా అరోసారి గుజరాత్ లో బీజేపి పార్టీ ప్రభుత్వాన్ని ఏర్పాటు చేసి.. రికార్డును సృష్టించింది. కొత్తగా కొలువుదీరిన విజయ్ రూపానీ ప్రభుత్వంలో మరోమారు డిప్యూటీ సీఎంగా నితిన్ పటేల్ ప్రమాణస్వీకారం చేశారు. ఇవాళ రాష్ట్ర రాజధాని గాంధీనగర్ లోని రాజ్ భవన్ లో జరిగిన ఈ కార్యక్రమంలో గవర్నర్ ఓపీ కోహ్లీ వీరితో ప్రమాణస్వీకారం చేయించారు.

ఇక వీరితో పాటుగా 19 మంది మంత్రులుగా ప్రమాణస్వీకారం చేశారు… ఇందులో 9 మంది కేబినెట్ మంత్రులుగా… 10 మంది సహాయ మంత్రులుగా ప్రమాణస్వీకారం చేశారు. విజయ్ రూపానీ విషయంలో కొంత తర్జన భర్జన జరిగినా బీజేపీ శాసనసభాపక్షం ఎట్టకేలకు ఆయనే ఏకగ్రీవంగా ముఖ్యమంత్రి అభ్యర్థిగా ఎన్నుకుంది. ఈ మేరకు రాష్ట్ర బీజేపి వ్యవహారాల ఇంచార్జ్ గా వున్న కేంద్ర అర్థికశాఖ మంత్రి అరుణ్ జైట్లీ పార్టీ శాసనసభాపక్ష నేతలతో చర్చలు జరిపి ఈ మేరకు నిర్ణయం తీసుకున్నారు.

మరోవైపు విజయ్ రూపానీ కేబినెట్‌లో ఆరుగురు పటేళ్లకు చోటు దక్కింది. అహ్మదాబాద్ లో జరిగిన ఈ ప్రమాణస్వీకారోత్సవంలో ప్రధాని నరేంద్ర మోదీ, బీజేపీ సీనియర్ లీడర్ ఎల్ కే అద్వానీ, బీజేపీ చీఫ్ అమిత్‌షా, కేంద్ర హోంశాఖ మంత్రి రాజ్‌నాథ్‌, నితీష్‌కుమార్, మాజీ ముఖ్యమంత్రులు కేశూభాయ్ పటేల్, ఆనంది బెన్, పలువురు కేంద్ర మంత్రులు, ఎన్డీఏ పాలిత రాష్ట్రాల ముఖ్యమంత్రులు హాజరు కాగా… ఆంధ్రప్రదేశ్ నుంచి ఆర్థిక మంత్రి యనమల రామకృష్ణుడు హాజరయ్యారు.