పోలీసులంటేనే రక్షకభటులని వారి వద్దకు దైర్యంగా వెళ్లి తమ సమస్యలను చెప్పుకోవచ్చనన్న అభిప్రాయం మొదట్లో ప్రజలకు ఉండేది. రానురాను కొందరు పోలీసు అధికారులు తామే చట్ట పరిరక్షకులమని భావించి.. తామేం చేసినా చెల్లుతుందన్న అభిప్రాయానికి వస్తున్నారు. ఇప్పటికే పలువురు పోలీసుల కీర్తిప్రతిష్టలకు పాతర వేసేవిధంగా పలు అనాగరిక చర్యలకు పాల్పడిన ఘటనలు ఇటీవలి కాలంలో వెలుగుచూశాయి.
కాగా, తాజాగా ఓ అధికారి అందులోనూ కొత్తగా పోలీసు శాఖలోకి అడుగుపెట్టే పోలీసులకు.. విధుల్లో ఏం చేయాలో, ఎం చేయకూడదన్న వాటిపై తగు శిక్షణ ఇచ్చే స్థాయిలో వుండే అధికారి తప్పతాగి వాహనాన్ని నడుపుతూ.. రాంగ్ రూట్లో వెళ్లడమే కాకుండా తనకు అడ్డం వచ్చిన వాహనదారులను ఢీకొనడంతో.. ముగ్గురు తీవ్రంగా గాయపడ్డారు. ఈ ఘటన మేడ్చల్ జిల్లా యాప్రాల్ పరిధిలోని జవహార్ నగర్ పరిధిలో జరిగింది.
వివరాల్లోకి వెళ్తే.. అంబర్ పేట ట్రైనింగ్ సెంటర్ సీఐ జి.గిరీష్ రావ్ పీకల్దాక మద్యం సేవించి.. తానేం చేస్తున్నాడో తెలియని స్థితిలో నానా హంగామా చేశాడు. సీఐ వాహనం ఢీకొని గాయపడిన వారిని స్థానికులు వెంటనే ఆసుపత్రికి తరలించారు. యాక్టివాపై వెళ్తున్న దంపతుల కాళ్లు నుజ్జునుజ్జు అయ్యాయి. ఘటన అనంతరం సీఐ అక్కడి నుంచి పరారయ్యాడు. సమాచారం అందుకున్న పోలీసులు ఘటనా స్థలికి చేరుకుని ఆరా తీశారు.
పరారీలో ఉన్న గిరీష్ రావును అదుపులోకి తీసుకుని బ్రీత్ అనలైజర్ పరీక్షలు నిర్వహించగా, 200 పాయింట్లగా నమోదైంది. కాగా సిఐ గిరీష్ రావుపై శాఖపరమైన చర్యలు కూడా వుంటాయని రాచకొండ పోలీస్ కమీషనర్ మహేశ్ భగవత్ తెలిపారు. ఇక దీంతో పాటు ఇటు క్రిమినల్ కేసులు కూడా నమోదు చేశారు మేడ్చల్ పోలీసులు. సిఐ గిరీష్ రావుపై ఇండియన్ పీనల్ కోడ్ ఐపీసీ 337, 338 ప్రకారం కేసులు నమోదు చేసి దర్యాప్తు చేస్తున్నారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more