ప్రణయ్ కుటుంబానికి రాంచరణ్ తేజ్ ప్రగాఢ సానుభూతి..

Posted: 09/18/2018 06:11 PM IST

తెలుగు రాష్ట్రాలలో పెను సంచలనం సృష్టించిన నల్గొండ జిల్లా మిర్యాలగూడలో జరిగిన దారుణ హత్యలో పెరుమాళ్ల ప్రణయ్ ప్రాణాలు తన తల్లి, అతని భార్య కళ్లెదుటే అనంత వాయువుల్లో కలసిపోయాయి. ఈ కేసుకు సంబంధించి ఏడుగురు నిందితులను కొద్ది సమయం కిందటే మీడియా ఎదుట హాజరుపర్చిన పోలీసులు అరెస్ట్ చేశారు. కాగా, ఈ కేసులో ఏ1 - మారుతీ రావు (అమృత తండ్రి), ఏ2 - సుభాష్ శర్మ (బీహార్), ఏ3 - అస్గర్ అలీ, ఏ4 - మహ్మద్ బారీ, ఏ5 - అబ్దుల్ కరీం, ఏ6 - శ్రవణ్ (బాబాయ్), ఏ7 - సముద్రాల శివగౌడ్ (డ్రైవర్)ను పోలీసులు అదుపులోకి తీసుకున్నారు.

ఈ దారుణ హత్యోదంతంపై టాలీవుడ్ హీరో రామ్ చరణ్ స్పందించాడు. ప్రణయ్ హత్య తనను కలచి వేసిందని చెప్పాడు. ఇలాంటి హత్యలపై అసహ్యమేస్తోందని చెప్పాడు. ఒక మనిషిని ఇంత దారుణంగా చంపడం పరువుహత్య అవుతుందా? అని ప్రశ్నించాడు. ఈ సమాజం ఎటు వెళ్తోందని అన్నాడు. ప్రణయ్ ఆత్మకు శాంతి చేకూరాలని ఆకాంక్షించాడు. ఆయన కుటుంబసభ్యులకు ప్రగాడ సానుభూతిని తెలియజేశాడు. పరువు హత్యల పేరుతో జరుగుతున్న దారుణాలను ఇకనైనా అపాలని రాంచరణ్ ప్రజలను అభ్యర్థించారు.