ఆటో టైరు పేలడంతో ఘోర ప్రమాదం.. 8 మంది మృతి

Posted: 08/19/2019 11:03 AM IST

8 die as mini goods carrier plunges into well in tiruchi

తమిళనాడులో ఘోర రోడ్డప్రమాదం సంభవించింది. గూడ్స్ కారియర్ అటోలో ప్రయాణికులను ఎక్కించుకుని వెళ్తున్న ఆటో టైరు పేలడంతో ఈ దుర్ఘటన సంభవించింది. వేగంగా వెళ్తున్న ఆటో టైరు పేలడంతో అదుపుతప్పి రోడ్డు పక్కనున్న బ్యారికేడ్ ను ఢీకొని ఏకంగా 60 అడుగుల లోతున్న బావిలో పడింది. ఈ ఘటనలో 8 మంది ప్రాణాలు కోల్పోగా, మరో 9 మంది తీవ్రంగా గాయపడ్డారు. తమిళనాడులోని తిరుచ్చి జిల్లా తిరుచ్చి-తిరువాయూర్ రోడ్డుపై ఉప్పిల్లపురం గ్రామశివార్లలో ఈ ఘటన చోటుచేసుకుంది.

సమాచారం అందుకున్న ఫైర్ సిబ్బంది, పోలీసులు వెంటనే ఘటనా స్థలానికి చేరుకుని సహాయక చర్యలు చేపట్టారు. కాగా, 9 మంది క్షతగాత్రుల్లో ముగ్గురి పరిస్థితి విషమంగా వుందని వైద్యులు తెలిపారు. పోలీసులు తెలిపిన వివరాల ప్రకారం.. క్రితం రోజు మధ్యాహ్నం ముసిరి ప్రాంతానికి చేరువలోని పెరూర్ గ్రామానికి చెందిన 17 మందితో ఎస్.ఎన్ పూడుర్ గ్రామానికి బయలుదేరి వెళ్లిరు. మార్గ మధ్యంలో అటో టైరు పేలడంతో అటో ఒక్కసారిగా అదుపుతప్పింది. దీంతో వాహనంపై అటో డ్రైవర్ నియంత్రణ కోల్పోయాడు.

అటో రోడ్డు పక్కనున్న బ్యారికేడ్ ను ఢీకొని.. రోడ్డ పక్కనున్న బావిలో పడింది. దీంతో అటోలో ప్రయాణిస్తున్న వారిలో నలుగురు మహిళలతో పాటు ముగ్గరు చిన్నారులు కూడా వున్నారని పోలీసులు తెలిపారు. బావి లోతుగా ఉండడంతో అందులో చిక్కుకున్న వారిని బయటకు తీసేందుకు శ్రమించాల్సి వచ్చిందని పోలీసులు తెలిపారు. గాయపడిన వారిని సమీపంలోని ఆసుపత్రికి తరలించారు. టైరు పేలడం వల్లే ఈ ఘటన జరిగిందని పోలీసులు తెలిపారు.