తెలంగాణలో కరోనా విజృంభన: 40 వేల చేరువలో.. 24 గంటల్లో 1597 కేసులు.. 11 మరణాలు

Posted: 07/15/2020 11:37 PM IST

(Image source from: English.sakshi.com)

తెలంగాణలో కరోనా మహమ్మారి మళ్లీ బుసకొడుతోంది. రాష్ట్రంలో అత్యధిక స్థాయిలో కేసులు నమోదవుతున్నాయి. రోజురోజుకూ రాష్ట్రంలో పెరుగుతున్న కేసులు తాజాగా ముఫై తొమ్మిది వేల మార్కును దాటాయి. వీటికి తోడు మరణాలు కూడా అంతకంతకూ పెరుగుతున్నాయి. తెలంగాణ వాసులను తీవ్ర భయాందోళనకు గురిచేస్తున్నాయి. తాజాగా నమోదైన మరణాలతో తెలంగాణ.. ఏకంగా మరణాలలో 380 మార్కును చేరువలో వుండటం అందోళన రేకెత్తిస్తోంది. ఇదివరకే దేశంలో వందకుపైగా మరణాలు నమోదు చేసుకున్న తొమ్మిదవ రాష్ట్రంగా నమోదైన తెలంగాణ.. ఇక ఇటు కరోనా కేసులలోనూ పైకి ఎగబాకుతోంది. ప్రభుత్వం, అరోగ్యశాఖ అధికారులు, వైద్యులు, హెల్త్ వర్కర్లు, శానిటేషన్ సిబ్బంది, పోలీసుల సమిష్టి కృషితో రాష్ట్రంలో తగ్గినా.. మళ్లీ పెరుగుతున్న కేసులు, మరణాలు వారి పనితీరుకు సవాల్ విసిరేలా తయరావుతున్నాయి.

ఏప్రిల్ నెలలో గణనీయంగా తగ్గిన కేసులు మే నెల 7 నుంచి క్రమంగా పెరుగుతూ వస్తోన్నాయి. కాగా జూన్ నెలలో కేంద్రం దేశవ్యాప్తంగా విధించిన లాక్ డౌన్ కు పలు సడలింపులు తీసుకురావడంతో జనజీవనం వేగాన్ని అందుకుంది. ఈ క్రమంలో రాష్ట్ర రాజధాని నగరంలో కరోనా పట్ల అప్రమత్తంగా వ్యవహరించాల్సి వున్నా.. అటు ప్రభుత్వం కానీ, ఇటు ప్రజలు కానీ జాగ్రత్త చర్యలు పాటించకపోవడంతో గ్రేటర్ హైదరాబాద్ పరిధిలో కరోనా విజృంభన కోనసాగుతోంది. హైదరాబాద్ నగరం చుట్టూరా కరోనా మహమ్మారి మాటు వేయడం అందోళన రేపుతోంది. అయితే గ్రేటర్ లో కరోనా నియంత్రణకు కఠినమై చర్యలు తీసుకుంటున్నామని ప్రభుత్వం చెబుతున్నా.. కరోనా వ్యాప్తి మాత్రం అగడం లేదు. అయితే గత నెల రోజులకు భిన్నంగా ఇవాళ కరోనా కేసులు కాసింత తక్కువ సంఖ్యలో నమోదయ్యాయి. తాజాగా ఏకంగా పదిహేను వందలకు పైగా కరోనా కేసులు నమోదుకాగా, గ్రేటర్ హైదరాబాద్ పరిధిలోనే అత్యధికంగా 796 నమోదు కావడంలో నగరవాసుల్లోనూ స్వల్ప ఊరట కలిగింది.

గత పక్షం రోజులుగా తెలంగాణ రాష్ట్రంలోనూ పెరుగుతూ వచ్చిన  కరోనా పాజిటివ్ కేసులు ఇవాళ కాసింత తగ్గుముఖం పట్టాయి. ఫలితంగా తెలంగాణలో అంతకంతకూ పెరుగుతున్న కేసులు తాజాగా గడిచిన 24 గంటల వ్యవధిలో నమోదైన కేసులతో కలిపి మొత్తంగా ముఫై తొమ్మిది వేల మార్కును అధిగమించాయి, దీంతో ఈ స్థాయిలో కరోనా కేసుల నమోదు చేసుకున్న 9వ రాష్ట్రంగా తెలంగాణ నిలిచింది. తాజాగా రాష్ట్రంలో 1597 కరోనా పాజిటివ్ కేసులు నమోదయ్యాయి. గ్రేటర్ హైదరాబాద్ లో ఇదివరకు ఎన్నడూ నమోదు కాని అత్యధిక సంఖ్యలో కరోనా కేసులు నమోదయ్యాయి. ఒక్క జీహెచ్ఎంసీ పరిధిలోనే ఏకంగా 1597 కోరానా పాజిటివ్ కేసులు నిర్థారణ అయ్యాయి, ఇవాళ గ్రేటర్ పరిధితో పాటు రంగారెడ్డి, మేడ్చల్, కరీంనగర్, వరంగల్ అర్భన్, నల్గొండ, నిజామాబాద్ జిల్లాల్లోనూ కరోనా కేసులు అధికసంఖ్యలో నమోదయ్యాయి.

అయితే గత వారం రోజులుగా నమోదవుతున్న కేసుల తెలంగాణవాసులను కలవరానికి గురిచేస్తోంది. హైదరాబాద్ లో పంజా విసురుతున్న కరోనా.. ఇక జిల్లాల్లోనూ తన ఉద్దృతిని చాటుకుంటోంది. ఇప్పటివరకు రాష్ట్రంలో నమోదైన కేసులు మొత్తంగా 39000 మార్కును దాటిన విషయం తెలిసిందే, ఇవాళ ఇతర రాష్ట్రాల నుంచి వలస వచ్చిన కార్మికులెవరికీ కరోనా పాజిటివ్ నిర్థారణ కాలేదని, అన్ని రాష్ట్రానికి చెందిన వారివేనని రాష్ట్ర వైద్య అరోగ్యశాఖ వెల్లడించింది. ఇక గడిచిన 24 గంటల వ్యవధిలో మరణాల సంఖ్య మళ్లీ పెరిగింది. రాష్ట్రంలో గత 24 గంటల వ్యవధిలో కరోనా బారిన పడి అసుపత్రులలో చికిత్సపోందుతూ పదకొండు మంది అసువులు బాసారు. దీంతో రాష్ట్రంలో కరోనా మృతుల సంఖ్య 386కు చేరింది. .

తాజాగా నమోదైన ఇవాళ నమోదైన 1597 కేసులతో మొత్తంగా రాష్ట్రంలో 39,342 కేసులు నమోదయ్యాయి, గ్రేటర్ పరిధిలో 796 కేసులు నమోదు కాగా, ఇక రంగారెడ్డి జిల్లాలో 212, మేడ్చల్ జిల్లా పరిధిలో 115, సంగారెడ్డిలో 73, నల్గొండలో 58, కామారెడ్డిలో 30, మెదక్ లో 18 కేసులు నమోదయ్యాయి. ఇక ఖమ్మంలో 6, వరంగల్ అర్బన్ లో 44, కరీంనగర్‌లో 41, యాదాద్రి భువనగిరి జిల్లాలో 13, మహబూబాబాద్ లో 5, పెద్దపల్లిలో 20, మహబూబ్ నగర్ జిల్లాలో 21, మంచిర్యాలలో 26, భద్రాద్రి కొత్తగూడెం జిల్లాలో 7, జయశంకర్ భూపాలపల్లి జిల్లాలో 15, రాజన్న సిరిసిల్ల జిల్లాలో 6, అదిలాబాద్ లో 1, నారాయణపేట్ లో 5, వికారాబాద్ జిల్లాలో 5, నగర్ కర్నూల్ జిల్లాలో ఐదు, జనగాంలో 8, నిజామాబాద్‌లో 13, వనపర్తిలో 5, సిద్దిపేట్ లో 27, సూర్యాపేటలో 14, గద్వాల జిల్లాలో 4 కొవిడ్‌ కేసులు నిర్ధారణ అయ్యాయి. మొత్తంగా రాష్ట్రంలో ఇవాళ 29 జిల్లాల్లో పాజిటివ్ కేసులు నిర్థారణ అయ్యాయి. కరోనా బారినపడిన బాధితులు కోలుకొన్న 1159 మంది రోగులను అధికారులు ఇవాళ డిశ్చార్జ్ చేశారు. దీంతో మొత్తంగా 25,999 మంది కోలుకొని ఇళ్లకు వెళ్లిపోయారు. ప్రస్తుతం రాష్ట్రంలో 12,958 యాక్టివ్‌ కేసులు వున్నాయని రాష్ట్ర వైద్యారోగ్య శాఖ వెల్లడించింది.