https://teluguwishesh.com./
75.29% candidates qualify in Telangana EAMCET exam తెలంగాణ ఎంసెట్ ఫలితాలు వెల్లడి.. అక్టోబర్ 9 నుంచి కౌన్సిలింగ్
తెలంగాణ ఎంసెట్-2020 ఫలితాలలో మళ్లీ అబ్యాయిలే పైచేయి సాధించారు. ఇవాళ వెల్లడైన ఫలితాలను జేఎన్టీయూ-హెచ్ క్యాంపస్ లో జరిగిన ఓ కార్యక్రమంలో తెలంగాణ రాష్ట్ర విద్యాశాఖ మంత్రి సబితా ఇంద్రారెడ్డి ఎంసెట్ ఫలితాలను విడుదల చేశారు. 75.29 శాతం మంది ఉత్తీర్ణత సాధించారు. ఇంజినీరింగ్ లో టాప్-10 ర్యాంకులన్నీ బాలురే కైవసం చేసుకున్నారు. వారణాసి సాయితేజ ఎంసెట్ టాపర్ గా నిలిచాడు. యశ్వంత్ సాయి (2), టి.మణి వెంకటకృష్ణ (3), చాగరి కౌశల్ కుమార్ రెడ్డి (4), హార్దిక్ రాజ్ పాల్ (5) సాధించారు,
ఎంసెట్ పలితాలలో నాగెల్లి నితిన్ సాయి (6), కృష్ణ కమల్ (7), సాయివర్ధన్ (8), హర్షవర్ధన్ (9), వారణాసి వచన్ సిద్ధార్థ్ (10) టాప్-10లో ఉన్న మిగతా ర్యాంకర్లు. ఈ ఏడాది ఎంసెట్ కు 1,43,326 మంది దరఖాస్తు చేసుకున్నారు. అయితే వారిలో 1,19,183 మందే హాజరు కాగా, 89,734 మంది ఉత్తీర్ణులయ్యారు. కాగా, కరోనా కారణంగా పరీక్షకు హాజరుకాని విద్యార్థుల కోసం ఈ నెల 8న ప్రత్యేక ఎంసెట్ నిర్వహిస్తున్నట్టు మంత్రి సబితా ఇంద్రారెడ్డి తెలిపారు. ఎంసెట్-2020 ఇంజినీరింగ్ కౌన్సెలింగ్ ప్రక్రియ అక్టోబరు 9వ తేదీ నుంచి ప్రారంభం అవుతుంది. కౌన్సెలింగ్ను రెండు విడతలుగా నిర్వహించనున్నారు.
ఇంటర్లో ఎంపీసీ చదివి ఎంసెట్ ఇంజినీరింగ్ రాసిన విద్యారులు ఈ కౌన్సెలింగ్ ద్వారా బీటెక్, బీఫార్మసీలో సీట్లు పొందవచ్చు. ప్రభుత్వ కళాశాలల్లో అన్ని సీట్లను, ప్రైవేట్ కళాశాలల్లో 70 శాతం సీట్లను కన్వీనర్ కోటా కింద ఈ కౌన్సెలింగ్ల ద్వారా భర్తీ చేస్తారు. ఈసారి మొదటి, చివరి కౌన్సెలింగ్లతోపాటు స్పాట్ ప్రవేశాల వివరాలను ముందుగానే వెల్లడించడం విశేషం. ప్రైవేట్ కళాశాలల్లో ఇంజినీరింగ్, బీఫార్మసీ స్పాట్ అడ్మిషన్లకు నవంబరు 4న మార్గదర్శకాలు జారీ చేస్తారు.
మొదటి విడత కౌన్సెలింగ్ తేదీలు
-అక్టోబర్ 9-17వ తేదీ వరకు ఆన్లైన్లో సమాచారం పూర్తి చేయడం, ధ్రువపత్రాల పరిశీలనకు తేదీ, సమయాన్ని అభ్యర్థులు ఎంచుకోవాలి.
అక్టోబర్ 12-18వ తేదీ వరకు: ధ్రువపత్రాల పరిశీలన
అక్టోబర్ 12-20వ తేదీ వరకు: వెబ్ ఆప్షన్లు
అక్టోబర్ 22వ తేదీ: మొదటి రౌండ్ సీట్ల కేటాయింపు
అక్టోబర్ 22-27వ తేదీ వరకు: ట్యూషన్ ఫీజు చెల్లింపు, వెబ్సైట్ ద్వారా సెల్ఫ్ రిపోర్టింగ్
రెండో విడత కౌన్సెలింగ్ తేదీలు
అక్టోబర్ 29వ తేదీ: తొలి విడతలో హాజరుకాని వారు ధ్రువపత్రాల బుకింగ్ కోసం స్లాట్ బుక్ చేసుకోవాలి.
అక్టోబర్ 30వ తేదీ ధ్రువపత్రాల పరిశీలన
నవంబరు 2న: సీట్ల కేటాయింపు
నవంబరు 2-5వ తేదీ వరకు: ట్యూషన్ ఫీజు చెల్లించడం, సెల్ఫ్ రిపోర్టింగ్ చేయడం చేయాలి.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
