ఆందోళన విరమణకు నిరాకరించిన రైతన్న.. సాగు బిల్లుల వెనక్కే డిమాండ్..

Posted: 12/31/2020 07:40 PM IST

Farm laws stir breakthrough as govt accepts two demands of farmers

కేంద్రం తీసుకువచ్చిన కొత్త వ్యవసాయ చట్టాలకు వ్యతిరేకంగా హస్తిన శివార్లలోని సింఘు, టిక్రీల వద్ద జాతీయ రహదారులపైనే నెల రోజులకు పైగా ఆందోళనలు చేస్తున్న రైతులతో కేంద్రం జరిపిన చర్చలు నిష్పలమయ్యాయి. కేంద్రమంత్రుల బృందంతో నిన్న రైతు సంఘాల నేతలు ఐదు గంటలకు పైగా చర్చలు జరిపారు. అయితే కేంద్రం తీసుకువచ్చిన నూతన వ్యవసాయ బిల్లుల ఉపసంహరణే తమ ప్రధాన డిమాండ్ అంటూ రైతు సంఘాలు భీష్మించడంతో కేంద్రం చర్చలు మరోమారు విఫలమయ్యాయి.

రోజురోజుకూ పడిపోతున్న ఉష్టోగ్రతలు నేపథ్యంలో నెల రోజులుగా యుములను కరిచే చలిలో ఇప్పటికే పలువురు రైతులు ప్రాణాలను సైతం చలిపులి పంజాతో హరించింది. అయినా ధైర్యం కోల్పోని రైతన్నలు తమ అవేదనను, కష్టాన్ని పంటికింద బిగువ పట్టుకుని తమ డిమాండ్ నెరవేర్చుకునేందుకు ప్రయత్నం చేస్తున్నాడు. రైతన్నలను దారికి తెచ్చుకునేందుకు కేంద్రం చర్చల పేరుతో తాత్సారం చేస్తోందన్న అరోపణలు వస్తున్నా.. చలికి తట్టుకోలేక రైతులు అందోళనను విరమింస్తారన్న వద్దంతులు వ్యాపిస్తునన్నా.. రైతులు మాత్రం వెనక్కి తగ్గడం లేదు.

ఇదిలావుండగా, రైతుల డిమాండ్లను పరిగణనలోకి తీసుకున్న ప్రభుత్వం కనీస మద్దతు ధరపై కమిటీ వేసేందుకు, విద్యుత్ బిల్లులను పెండింగులో పెట్టేందుకు అంగీకరించింది. మిగతా డిమాండ్లను కూడా పరిగణనలోకి తీసుకుంటామని, కాబట్టి ఆందోళన విరమించాలని రైతులను కోరింది. అయితే, రైతులు మాత్రం వ్యవసాయ చట్టాలను వెనక్కి తీసుకోవాలన్నదే తమ ప్రధాన డిమాండ్ అని, అప్పటి వరకు ఆందోళన కొనసాగుతుందని తేల్చి చెప్పారు. దీంతో ఆరో పర్యాయం రైతు సంఘాలతో కేంద్రం జరిపిన చర్చలు అసంపూర్తిగా ముగిసాయి. కాగా జనవరి 4న మరోమారు కేంద్రం చర్చలు జరపనుంది.