దేశంలో పెరుగుతున్న ఒమిక్రాన్ కేసులు.. దేశరాజధానిలోనే అధికం..

Posted: 12/27/2021 03:23 PM IST

India logs 156 omicron cases in a day delhi overtakes maharashtra as top contributor

సౌతాఫ్రికాలో వెలుగుచూసిన కరోనా వైరస్ మహమ్మారి కొత్త వేరియంట్ ‘ఒమిక్రాన్’ ప్రపంచదేశాలను గడగడలాడిస్తోంది. ఇప్పటికే సుమారు 100 దేశాలకు వ్యాపించిన ఒమిక్రాన్.. బ్రిటెన్, అస్ట్రేలియా, ఇజ్రాయిల్, జర్మనీ, ఆస్ట్రేలియాలలో మరణాలను కూడా నమోదు చేసుకున్నవిషయం తెలిసిందే. ఇదే సమయంలో ఇటు దేశంలోకి కూడా చోచ్చుకువచ్చిన ఈ మహమ్మారి దేశంలోనూ అంతకంతకూ తన ప్రభావాన్ని విస్తరిస్తోంది. దీంతో దేశంలో ఒమిక్రాన్ కేసుల సంఖ్య ఏకంగా 578కి చేరింది. వీరిలో 151 మంది కోలుకున్నారని గణంకాలు స్పష్టం చేస్తున్నాయి.

మొత్తంగా దేశంలోని 19 రాష్ట్రాలకు సోకిన ఈ వైరస్.. దేశ రాజధాని ఢిల్లీలోనే అత్యధిక కేసులను నమోదు చేసుకుంది. ఇక అత్యధిక కేసులు నమోదైన రాష్ట్రాల్లో నిన్నటి వరకు ముందున్న మహారాష్ట్రను దాటి.. తాజాగా అత్యధిక కేసుల నమోదుతో ఢిల్లీ ముందుంది. మహారాష్ట్రలో 141 కేసులను నమోదు చేసుకోగా, ఢిల్లీ 142 కేసులతో ముందుంది. ఈ మేరకు కేంద్ర ఆరోగ్యశాఖ గణంకాలను విడుదల చేసింది. ఆ తరువాత కేరళ, గుజరాత్, రాజస్థాన్, తెలంగాణ, తమిళనాడు, కర్ణాటక, మధ్య ప్రదేశ్, అంధ్రప్రదేశ్ రాష్ట్రాల్లో అత్యధిక ఒమిక్రాన్ కేసులు నమోదయ్యాయి.

ఇదలావుంగా, నిన్న ఏకంగా 7లక్షల మందికి పైగా ప్రజలు కరోనా నిర్థారణ పరీక్షలు నిర్వహించగా, వారిలో 6531 మంది కరోనా బారినపడ్డారని వైద్యవర్గాలు విడుదల చేసిన గణంకాలు స్పసట్ం చేస్తున్నాయి. అయితే అంతకుముందు రోజుతో పోల్చితే ఈ కేసులు ఆరు శాతం మేర తగ్గాయని నివేదికలు వెల్లడిస్తున్నాయి. ఇక కరోనా నుంచి 7141 మంది కోలుకున్నారు. దీంతో ఇప్పటివరకు దేశవ్యాప్తంగా 3.47 కోట్ల మంది కరోనాబారిన పడగా, వారిలో 3.42 కోట్ల మంది కోలుకున్నారని.. రికవరీ రేటు 38.40 శాతానికి చేరింది. కాగా నిన్న కరోనా బారిన పడి 315మంది చనిపోగా మొత్తంగా 4.79 లక్షల మరణాలు చోటుచేసుకున్నాయి.